(ن) لیگ آزادکشمیر کی جانب سے متحدہ کیخلاف زہریلے پروپیگنڈا کا مقصد عوام کی توجہ حقیقی مسائل سے ہٹانا ،کرپشن ،نااہلی پر پردہ ڈالنا ہے، محمد طاہرکھو کھر
پیر 29 جون 2015 14:56
مظفر آباد (اُردو پوائنٹ اخبار تازہ ترین۔ 29 جون۔2015ء) ایم کیو ایم آزادکشمیر کے پارلیمانی لیڈر محمد طاہرکھو کھرنے کہا ہے (ن) لیگ آزادکشمیر کی جانب سے متحدہ کے خلاف زہریلے پروپیگنڈا کا مقصد عوام کی توجہ حقیقی مسائل سے ہٹانا اور اپنی کرپشن اور نااہلی پر پردہ ڈالنا ہے ‘ اپوزیشن کی منفی سیاست کے باعث ریاست کو ناقابل تلافی نقصان ہوچکا ہے ‘ گزشتہ سال بھی ن لیگ کی قیادت کے حکومت مخالف پروپیگنڈا کے باعث وفاقی حکومت نے آزادکشمیر کیلئے 5 ارب روپے کے منظور شدہ منصوبہ جات ختم کئے میں میں خود روزگار سکیم بھی شامل تھی جس کے تحت ہزاروں نوجوانوں کو روزگار ملنا تھا اس کے علاوہ کئی بڑی سڑکوں کے منصوبوں بھی ن لیگ آزادکشمیر کی قیادت کے پروپیگنڈا اور واویلا کے باعث وفاق نے ڈراپ کر دیئے جس سے ریاست کو ناقابل تلافی نقصان پہنچا - سول سوسائٹی کے ایک وفد سے گفتگو کرتے ہوئے ایم کیو ایم آزادکشمیر کے پارلیمانی لیڈر طاہرکھوکھر نے کہاکہ آج جو لوگ اپوزیشن میں بیٹھ کر زہریلا پروپیگنڈا اور الزامات لگا رہے ہیں ماضی میں یہی لوگ کئی دہائیوں تک کسی دوسری سیاسی جماعت کی چھتری تلے برسراقتدار رہے اور ریاستی وسائل پر پر قابض رہے انہیں کی غلط پالیسیوں کے باعث آج تمام ادارے تباہی کے دہانے پر پہنچ چکے ہیں ‘ صرف اپنوں کو نوازنے کیلئے درجنوں ادارے اور محکمے قائم کئے گئے جن کا عوام یا ریاست کو کوئی فائدہ نہیں حتی کہ کئی ادارے صرف اپنے قریبی عزیزوں کو ایڈجسٹ کرنے کیلئے قائم کئے گئے - ان لوگوں سے ساٹھ سالوں میں کوہالہ روڈ تک نہ بن سکی تھی
کیونکہ اس روڈ کے نام پر ماضی کے حکمرانوں نے اربوں روپے اپنے منظور نذر ٹھیکیداروں میں تقسیم کئے‘ محکمہ تعلیم میں ایسے سکول اور کالج بھی قائم کئے گئے جہاں طلباء کم اور اساتذہ زیادہ بھرتی کر لئے گئے ‘غرض ہر محکمہ کو تباہ کیا گیا موجودہ حکومت نے اپنی اصلاحات کے تحت آج اداروں کو دوبارہ فعال کردیا ہے‘ میڈیکل کالجز ‘ وویمن یونیورسٹیاں‘ یونیورسٹیاں‘ ہیلتھ اور ایجوکیشن پیکیج جیسے منصوبہ جات سے ریاست دوبارہ ترقی کی شاہراہ پر گامزن جو اپوزیشن کو ہضم نہیں ہورہی کیونکہ یہ ماضی کے حکمران ہیں اور عوام نے اب ان کا احتساب کرنا ہے- طاہرکھوکھر نے کہاکہ ایم کیو ایم نے آزادکشمیر کے عوام کے اندر شعور پیدا کیا ہے -آج ہر گاؤں ‘ گلی محلے تک قائد تحریک الطاف حسین بھائی کا فکر و فلسفہ پھیل چکا ہے ‘ آزادکشمیر کے عوام روایتی اور موروثی سیاست کیخلاف اٹھ کھڑے ہیں - موروثی سیاستدانوں کو خود چاہیے کہ وہ اب ریاست اور عوام پر احسان کرتے ہوئے سیاست چھوڑ کر کوئی اور کام شروع کردیں کیونکہ ان کی سیاست اب دم توڑ چکی ہے -طاہرکھوکھر نے کہا کہ ایم کیو ایم موروثی سیاست دانوں کو اب عوام کا مزید استحصال نہیں کرنے دے گی ‘ گزشتہ ساٹھ سالوں سے حکومت کرنے والے نام نہاد سیاستدانوں نے عوام کیلئے کچھ نہیں کیا انہوں نے اپنی تجوریاں تو بھری ہیں ‘اپنے عزیزوں کو نوازا ہے لیکن عوام کی اکثریت آج بھی غربت کی زندگی بسر کرنے پر مجبور ہے ‘ ہزاروں لوگ دن کو سڑکوں پر ٹرانسپورٹوں اور نمبرداروں اور پولیس والوں کے ہاتھ ذلیل ہوتے ہیں‘ ہزاروں غریب ہسپتالوں میں ادویات نہ ملنے کے باعث مر جاتے ہیں ‘ ہزاروں غریب بچے وسائل نہ ہونے کے باعث تعلیم سے محروم ہیں‘ ہزاروں اعلی تعلیم یافتہ نوجوان بے روزگار ہیں جبکہ استحصالی سیاستدانوں کے اپنے بھانجے ‘ بھتیجے اور اولادیں اعلی عہدوں پر فائز ہیں اب یہ سلسلہ مزید نہیں چلے گا- طاہرکھوکھر نے کہا کہ ایم کیو ایم کیخلاف سازشیں کرنے والوں کو منہ کی کھانا پڑے گی اور وہ وقت دور نہیں جب متوسط طبقہ کی یہ انقلابی تحریک ملک بھر میں کامیابی کی منازل حاصل کریگی۔
متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.