پروفیسر انوار احمد زئی نے چیئرمین میٹرک بورڈ کراچی کا چارج سنبھال لیا
پیر 29 جون 2015 17:00
کراچی(اُردو پوائنٹ اخبار تازہ ترین۔ 29 جون۔2015ء) پروفیسر انوار احمد زئی نے ثانوی تعلیمی بورڈ کے چیئرمین کے حیثیت سے چارج سنبھال لیااس موقع پر سیکریٹری میٹرک بورڈ مسز حور مظہر، ناظم امتحانات نعمان احسن، بورڈ کے افسران، آفیسر ایسوسی ایشنز اور ایپکا میٹرک بورڈ یونٹ نے چیئرمین بورڈ کا پُرتپاک استقبال کیااس موقع پر گفتگو کرتے ہوئے چیئرمین میٹرک بورڈ پروفیسر انوار احمد زئی نے کہاکہ ہم ایک مشاورتی فضا قائم کرنے جارہے ہیں جس کی روشنی میں مختلف انتظامی اور تعلیمی فیصلے کئے جائیں گے۔
اُنہوں نے کہا کہ میر ی اولین ترجیح میٹرک بورڈ میں انقلابی تبدیلیوں کے ذریعے شفافیت اور میرٹ کا قیام ہے ۔اُنہوں نے کہا کہ امتحانی نتائج کے شفاف اور بروقت اجراء کو یقینی بنایا جائے گا۔(جاری ہے)
اور تعلیمی اداروں کے رجسٹریشن کے عمل پر خصوصی توجہ دی جائے گی اور جو گیپ ہے اُسے ختم ہونا چاہیے تاکہ طلباء کو اپنی تعلیم کو جاری رکھنے میں دشواری کا سامنا نہ کرنا پڑے۔
امتحانات کے لئے ایسے مراکز کو منتخب کیا جائے گا جہاں طلباء کو بنیادی سہولیات آسانی سے مل سکیں تاکہ وہ اپنے امتحان پر توجہ مرکوز کرسکیں۔ اُنہوں نے ملازمین پر زور دیا ہے کہ وہ وقت کی پابندی کو اپنا شعار بنائیں۔ا ُنہوں نے بتایا کہ ملازمین کی بروقت ترقیاں اور مراعات میں اضافے کو یقینی بنایا جائے گا۔اور امتحانی کاموں پر مامور اساتذہ اور عملے کے مشاہرہ میں خاطر خواہ اضافہ ہوگا ۔اُنہوں نے بورڈ کے افسران سے کہا کہ وہ محنت اور ایمانداری سے اپنے فرائض انجا م دیں ہم محنتی اور ایماندار افسران کی ہر سطح پر حوصلہ افزائی کریں گے ۔افسران اپنے ماتحت عملے کو ہدایات جاری کریں کہ وہ بورڈ میں آنے والے اساتذہ ، والدین و طلبہ و طالبات کے مسائل خندہ پیشانی سے حل کریں۔ چیئرمین میٹرک بورڈ نے مزید کہا امتحانات کے انعقاد کے ساتھ ساتھ ہم نصابی سرگرمیوں کو بھی فروغ دیا جائے گا۔ تاکہ طلباء میں چھپی ہوئی صلاحیتوں کو اُجاگر کیا جا سکے۔اس موقع پر سیکریٹری میٹرک بورڈ مسز حور مظہر نے کہا کہ بورڈ میں پچھلے چند سالوں سے ادارے کے نظام کو صاف شفاف بنانے کے لئے بہت سارے اقدامات کئے گئے ہیں جن میں I.T.سسٹم کی اپ گریڈیشن شامل ہے اب ہم مودجودہ چیئرمین کی سربراہی میں مزید بہتری لانے اور سسٹم کو مضبوط کرنے کی کوشش کریں گے۔جبکہ ناظم امتحانات نعمان احسن نے کہا کہ پروفیسر انوار احمد زئی کی ماہرانہ صلاحیتوں سے مستفید ہوکر بورڈ کو مزید ترقی دیں گے۔اس موقع پر بورڈ کے افسران ،ملازمین ، آفیسر ز ایسوسی ایشنز اور ایپکا میٹرک بورڈ یونٹ کے عہدیداران کثیر تعداد میں موجود تھے جنہوں نے چیئرمین میٹرک بورڈ کو گلدستہ پیش کئے۔دریں اثناء سرکاری اورنجی اسکولوں کے اساتذہ ، سربراہان اور ایسوسی ایشنز کے عہدیداروں اور نمائندوں کے علاوہ صحافیوں نے بھی پروفیسر انوار احمد زئی کوو چیئرمین میٹرک بورڈ بننے پر مبارکباد دی اور اپنے تعاون کا یقین دلایا۔آخر میں چیئرمین میٹرک بورڈ پروفیسر انوار احمد زئی نے تمام شرکاء کا شکریہ اداکیاجنہوں نے انہیں چیئرمین میٹرک بورڈ بننے پر مبارکباد دی۔متعلقہ عنوان :
مزید تعلیم کی خبریں
-
اوپن یونیورسٹی آئندہ سمسٹر میں تین بی ایس پروگرامز لانچ کرے گی، وائس چانسلر
-
علامہ اقبال اوپن یونیورسٹی تعلیمی معیارکومزید بہتر بنانے کے لئے مختلف اقدامات کر رہی ہے، وائس چانسلر
-
علامہ اقبال اوپن یونیورسٹی ، شعبہ اردو کا رمضان المبارک کی مناسبت سے نعتیہ مشاعرہ
-
علامہ اقبال اوپن یونیورسٹی نے میٹرک پروگرام میں داخل 60ہزار طلبہ کو کتب کی ترسیل شروع کردی
-
فیصل آباد بورڈ آف انٹرمیڈیٹ، جماعت نہم (پارٹ۔اول)سالانہ امتحانات میں ایک لاکھ99 ہزار81طلباءوطالبات شریک ہونگے
-
اوپن یونیورسٹی میں سکالرشپ جیتنے والے طلبہ کے اعزاز میں تقریب
-
علامہ اقبال اوپن یونیورسٹی کی چترال ریجن میں ملتوی شدہ پیپرز کی نئی تاریخ مقرر
-
علامہ اقبال اوپن یونیورسٹی ،مختلف پروگرامز، کورسزمیں داخلے جمع کروانے کی آخری تاریخ 15 اپریل مقرر
-
علامہ اقبال اوپن یونیورسٹی ،مختلف پروگرامز ،کورسزمیں داخلے جمع کروانے کی آخری تاریخ15اپریل مقرر
-
لاہورمیں میٹرک امتحانات کے سلسلے میں مخصوص مقامات پر دفعہ 144 نافذ
-
میٹرک بورڈ کے امتحانات مئی میں اورانٹرمیڈیٹ کے امتحانات مئی کے آخری ہفتے میں لینے کا فیصلہ
-
قومی نصاب کے تحت 28 سال بعد نویں سے بارھویں تک نئے مضامین متعارف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.