ری کنڈیشن گاڑیوں کی درآمد پر پابندی ہونی چاہیے، وزارت تجارت

پیر 29 جون 2015 17:26

کراچی(اُردو پوائنٹ اخبار تازہ ترین۔ 29 جون۔2015ء) وزارت تجارت نے کہا ہے کہ ری کنڈیشن گاڑیوں کی درآمد پر پابندی ہونی چاہیے کیونکہ یہ چور دروازہ ہے جس کی وجہ سے سرمایہ کاری متاثر ہورہی ہے۔وفاقی وزارت تجارت نے آٹو پالیسی میں ری کنڈیشن گاڑیوں کی درآمد پر مکمل پابندی لگانے کا مطالبہ کر دیا ہے جبکہ وزیر تجارت کا کہنا ہے کہ ری کنڈیشن گاڑیوں کی درآمد کا چور دروازہ بند ہونا چاہیے ۔

(جاری ہے)

وزارت تجارت نے ری کنڈیشن گاڑیوں کی شدید مخالفت کرتے ہوئے موقف اختیار کیا ہے کہ ری کنڈیشن گاڑیوں کی وجہ سے ملک میں سرمایہ کاری نہیں ہو رہی، آٹو سیکٹر میں غیر ملکی کمپنیاں اپنی سرمایہ کاری کرنا چاہتی ہیں لیکن ری کنڈیشن گاڑیوں کی درآمد کی وجہ سے سرمایہ کاری نہیں ہو رہی، غیرملکی سرمایہ کار کمپنیوں کا موقف ہے کہ پاکستان میں گاڑیوں کی خرید و فروخت کی جو گنجائش پیدا ہوتی ہے اس کو ری کنڈیشن گاڑیاں فل کر رہی ہیں، اس لیے نئی سرمایہ کاری کا کوئی جواز نہیں ہے۔

Facebook Twitter Google + Share on Whatsapp

ری کنڈیشن گاڑیوں کی درآمد پر پابندی ہونی چاہیے، وزارت تجارت

متعلقہ عنوان :

مزید تجارتی خبریں