سی ٹی ڈی اور حساس اداروں نے مشترکہ کارروائی کرکے دہشت گردی کا بڑا منصوبہ ناکام بنا دیا-شجاع خانزادہ
پیر 29 جون 2015 20:03
لاہور۔29 جون (اُردو پوائنٹ اخبار تازہ ترین۔ 29 جون۔2015ء) صوبائی وزیر داخلہ کرنل (ر) شجاع خانزادہ نے کہا ہے کہ لاہور کے علاقے کالاشاہ کاکو میں مشترکہ کارروائی کرکے تحریک طالبان پاکستان کا دہشت گردی کا بڑا منصوبہ ناکام بنا دیا گیا ہے اور کارروائی کرتے ہوئے چار دہشت گردوں کو ہلاک اور 2دہشت گردوں کو زخمی حالت میں گرفتار کرلیا گیا ہے- دہشت گردی کے خلاف نیشنل ایکشن پلان کے تحت کیا جانے والا یہ آپریشن خفیہ معلومات پر کیا گیا جس میں انسداد دہشت گردی فورس اور حساس اداروں نے مشترکہ کارروائی کی- پیر کے روز ذرائع ابلاغ کے نمائندوں سے گفتگو کرتے ہوئے کرنل (ر) شجاع خانزادہ نے کہا کہ دہشت گردوں کے قبضے سے خودکش جیکٹس ، راکٹ لانچرز ، کلاشنکوف اور بڑی تعداد میں گولیاں برآمد ہوئی ہیں-انہوں نے کہا کہ دو روز قبل بھی انسداد ہشت گردی فورس نے کارروائی کرکے کالعدم تنظیم کے لئے فنڈنگ کرنے والے ملزم کو گرفتار کیا تھا-انہوں نے کہا کہ نیشنل ایکشن پلان کے تحت قانون نافذ کرنے والے ادارے دہشت گردوں کے خلاف کارروائیوں کو جاری رکھیں گے اور آخری دہشت گرد کے خاتمے تک جاری رہے گا-کرنل (ر) شجاع خانزادہ نے کہا کہ صوبہ پنجاب میں 75سے زائد دہشت گردوں کو گرفتار کیا جاچکا ہے اور ان کے مقدمات فوری کارروائی کے لئے عدالتوں کو بھجوا دیئے گئے ہیں- انہوں نے کہا کہ شیڈول 4کے تحت نامزد کئے گئے 1344افراد میں سے 716گرفتارکئے جاچکے ہیں- انہو ں نے بتایا کہ نیشنل ایکشن پلان کے تحت صوبہ میں دہشت گردوں ، تخریب کاروں اور فرقہ واریت کے خاتمے کے لئے پوری توانائی اور تیزی سے کام جاری ہے- انہوں نے کہا کہ اب تک صوبہ میں 13802مدارس اور مساجد کی رجسٹریشن کی جاچکی ہے-صوبائی وزیر داخلہ نے کہا کہ حکومت خفیہ معلومات کی روشنی میں تعلیمی اداروں اور غیر سرکاری تنظیموں پر کڑی نظر رکھے ہوئے ہے- انہوں نے کہا کہ اب تک 7 غیر سرکاری تنظیموں کے غیرقانونی سرگرمیوں میں ملوث ہونے پر ان کے خلاف کارروائی کی گئی ہے جبکہ دیگر این جی اوز کے معاملات کو سختی سے مانیٹر کیا جارہا ہے-صوبائی وزیر نے کالاشاہ کاکو میں دہشت گردی کے خلاف کامیاب کارروائی کرنے پر انسداد دہشت گردی فورس اور حساس اداروں کے افسران و اہلکاران کو مبارکباد دی اور ان کی کارکردگی کو سراہا۔
مزید قومی خبریں
-
گورنر سندھ کامران خان ٹیسوری سے کراچی بار ایسوسی ایشن کے وفد کی ملاقات
-
روس ایک وسیع مارکیٹ ہے ، پاکستانی برآمد کنندگان تجارت کو فروغ دے کر کثیر زرمبادلہ حاصل کر سکتے ہیں، وفاقی وزیرجام کمال خان
-
گورنر سندھ کا حیدرآباد میں آئی ٹی پروگرام کے آغازکا اعلان
-
بجلی ایک ماہ کیلئے 5 روپے فی یونٹ مہنگی کر دی گئی
-
اسلام آباد، راولپنڈی اور پشاور میں زلزلے کے جھٹکے، لوگوںمیں خوف وہراس پھیل گیا
-
نادرانے عوام کی سہولت کے لئے ارجنٹ درخواست پر شناختی کارڈ ڈلیوری کی مدت کم کرکی15دن کردی
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
الیکشن کمیشن نے خیبر پختونخوا میں سینیٹ انتخابات ملتوی کرنے کا اشارہ دیدیا
-
اٹک پولیس کی کارروائی ،بھاری مقدار میں منشیات برآمداور 7 ملزمان گرفتار
-
گورنر سندھ سے کراچی بار ایسوسی ایشن کے وفد کی صدر عامر نواز وڑائچ کی قیادت میں ملاقات
-
ججز کے خط نے ہمارے موقف کی تائید کردی، لطیف کھوسہ
-
سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلی سطح اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.