عدالت نے ہرجانہ کیس میں عمران خان کے وکیل بابر اعوان کو ہائی کورٹ سے حکم امتناعی کے حصول کیلئے وقت دے دیا
11جولائی تک سیشن کورٹ کے فیصلہ کے خلاف حکم امتناعی نہیں لایا گیاتو کاروائی کی جائے گی،عدالت کاحکم
بدھ 1 جولائی 2015 19:45
اسلام آباد ( اُردو پوائنٹ اخبار تازہ ترین۔ یکم جولائی۔2015ء ) اسلام آباد کی مقامی عدالت نے ہرجانہ کیس میں عمران خان کے وکیل ڈاکٹر بابر اعوان کو ہائی کورٹ سے حکم امتناعی کے حصول کے لیے وقت دے دیا ،عدالت نے فیصلہ میں کہا ہے کہ اگر گیارہ جولائی تک سیشن کورٹ کے فیصلہ کے خلاف حکم امتناعی نہیں لایا جا تا تو کاروائی کی جائے گی ۔بدھ کو قائمقام سیشن جج کامران بشارت مفتی نے سابق چیف جسٹس افتخارمحمد چوہدری کی طرف سے عمران خان کے خلاف ہرجانہ کیس کی سماعت کی تو سابق چیف جسٹس کی طرف سے شیخ احسن الدین اور چیئرمین پی ٹی آئی عمران خان کی طرف سے کرن ایوب کنول ایڈوکیٹ عدالت میں پیش ہوئے۔
دوران سماعت عمران خان کے وکیل نے کہاکہ ماتحت عدلیہ کے فیصلہ کے خلاف نظرثانی کی اپیل ہائیکورٹ میں دائرکی ہوئی ہے۔(جاری ہے)
ہائیکورٹ میں نظر ثانی کی درخواست پرتاریخ مقرر نہ کی گئی۔ جلد تاریخ مقررکرنے کے لئے درخواست دائرکردی ہے۔ افتخارمحمد چوہدری کے وکیل نے کہا کہ عمران خان اوروکیل عدالت کا مذاق اڑارہے ہیں۔ عدالت کے فیصلہ کا احترام نہیں کیا جا رہا۔
ہائیکورٹ کی طرف سے معطلی کا کوئی حکم نہیں آیا۔فریقین کے وکلاء کے دلائل کے بعد عدالت نے نظرثانی کی درخواست پرتاریخ نہ ملنے پر فیصلہ محفوظ کرلیا۔ بعد ازاں عدالت نے فیصلہ سناتے ہوئے بابراعوان کو ہائیکورٹ سے حکم امتناع کے حصول کا وقت دے دیا۔ فیصلے میں کہا گیا ہے کہ بابراعوان گیارہ جولائی تک سیشن کورٹ کے فیصلہ کیخلاف حکم امتناعی لے آئیں،ورنہ کارروائی ہو گی۔ بابراعوان نے افتخارچوہدری کے وکلاء کی جانب سے ذاتی تعصب کی درخواست پرجواب جمع نہیں کرایا۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.