اسٹیٹ بینک نے بیرون ملک علاج معالجے اور تعلیم کیلئے ترسیلات بارے ہدایات اور طریقہ کار کو آسان بنا دیا
بینک پاکستانیوں کے طبی اخراجات کی مد میں 50 ہزار ڈالر یا دیگر غیر ملکی کرنسیوں میں اس کے مساوی زرِ مبادلہ غیر ملکی اسپتالوں کو بھجوا سکیں گے
بدھ 1 جولائی 2015 20:25
کراچی (اُردو پوائنٹ اخبار تازہ ترین۔ یکم جولائی۔2015ء) اسٹیٹ بینک نے بیرون ملک علاج معالجے اور تعلیم کیلئے ترسیلات کے بارے میں ہدایات اور طریقہ کار کو آسان بنا دیاہے،بیرونِ ملک علاج معالجے اور تعلیم سے متعلق پاکستانیوں کی زرِ مبادلہ کی ذاتی ضروریات پوری کرنے کے لیے اور ان کو سہولت دینے کی غرض سے اسٹیٹ بینک نے ایف ای سرکلر نمبر 08 برائے 2015ء جار ی کر دیا ہے جس کے تحت اہل وطن ان اخراجات کو پورا کرنے کے لیے ترسیلات/ زرِ مبادلہ کا اجرا زیادہ آسانی سے کر سکیں گے۔
بیرونِ ملک علاج معالجے سے متعلق نظر ثانی شدہ ہدایات کے تحت بینکوں کو اجازت دے دی گئی ہے کہ وہ پاکستانیوں کے طبی اخراجات کی مد میں 50 ہزار ڈالر تک یا دیگر غیر ملکی کرنسیوں میں اس کے مساوی زرِ مبادلہ غیر ملکی اسپتالوں کو بھجوا سکتے ہیں، بشرطیکہ پاکستان میں متعلقہ میڈیکل اسپیشلسٹ/ اسپتال نے اس کی سفارش کی ہو۔(جاری ہے)
اس کے علاوہ بینکوں کو یہ بھی اجازت دے دی گئی ہے کہ وہ مریض اور اس کے تیمار دار، ہر ایک کو پانچ ہزار ڈالر کے مساوی زرِ مبادلہ جاری کر سکتے ہیں تاکہ وہ بیرونِ ملک اپنی زرِ مبادلہ ضروریات پوری کر سکیں۔
اسٹیٹ بینک کے مطابق اس سے قبل مریض کو زرِ مبادلہ کی منظوری کے سلسلے میں ایک تکلیف دہ اور طویل عمل سے گزرنا پڑتا تھا اور اس دوران ہر کیس میں حکومت کے تشکیل کردہ طبی بورڈ سے سفارش ، اور اسٹیٹ بینک آف پاکستان سے پیشگی منظوری حاصل کرنی پڑتی تھی۔جہاں تک بیرون ملک تعلیم کے متعلق ہدایات کو سادہ بنانے کا تعلق ہے، بینک بیرونی اداروں میں تعلیم حاصل کرنے کے خواہاں طلبہ کی طرف سے بیرونی تعلیمی اداروں کو 70 ہزار ڈالر یا اس کے مساوی زرمبادلہ فی طالب علم ایک کیلنڈر سال کے دوران، سرکلر میں متعین کردہ معیار کے مطابق بھجوا سکتے ہیں۔ بینکوں کو یہ اجازت بھی دی گئی ہے کہ وہ طلبہ کو ان کے ابتدائی رہائشی اخراجات پورے کرنے کے لیے پانچ ہزار ڈالر کے مساوی نقدر زرمبادلہ جاری کر سکتے ہیں۔ سابقہ ہدایات کا طریقہ کار پیچیدہ تھا اور اس میں مذکورہ مد میں ترسیلات زر کرنے سے قبل کافی دستاویزات اور تفصیلات درکار تھیں اور طلبہ کو خود نقدزرمبادلہ کا بندوبست کرنا پڑتا تھا۔اسٹیٹ بینک کے مطابق طبی علاج اور تعلیم کے لیے سرکلر میں متعین کردہ حدود سے زائد زرمبادلہ درکار ہو تو متعلقہ بینک ایسا کیس غور کے لیے ڈائریکٹر، فارن ایکس چینج آپریشنز، ایس بی پی بی ایس سی ہیڈ آفس کراچی کو ارسال کر سکتا ہےمزید تجارتی خبریں
-
ملکی صرافہ مارکیٹوں میں جمعہ کے روز سونا مزید مہنگا ہو گیا
-
انٹربینک میں جمعہ کو روپے کے مقابلے ڈالر سستا ہو گیا تاہم اوپن مارکیٹ میں ڈالر کی قدر بڑھ گئی
-
پاکستان میں پولٹری کے شعبہ نے تیزی سے ترقی کی ہے ،ڈاکٹرسجاد ارشد
-
ٹریکٹروں کی فروخت میں جاری مالی سال کے پہلے 9 ماہ میں سالانہ بنیادوں پر 66 فیصداضافہ
-
پاکستان سٹاک ایکسچینج میں مسلسل دوسرے روز مندی کارحجان،کے ایس ای 100 انڈیکس 43.20 پوائنٹس کی کمی کے بعد 70290.11 پوائنٹس پربند
-
لاہور:برائلر گوشت کی قیمت 699روپے فی کلو تک پہنچ گئی
-
انٹر بینک اور اوپن مارکیٹ میں روپے کے مقابلے ڈالر مہنگا
-
سونے کی قیمتوں کا کمی کا رجحان
-
اٹک سیمنٹ نے 1.27 ملین ٹن سالانہ کی نصب صلاحیت کے ساتھ ایک نئی پیداواری لائن کے اضافے کا اعلان
-
بینکوں کے ڈیپازٹس، قلیل مدت کے قرضوں اورسرمایہ کاری میں مارچ کے دوران سالانہ بنیاد پر اضافہ ہوا،سٹیٹ بینک
-
پاکستان سٹاک ایکسچینج میں تیزی،100 انڈیکس51 پوائنٹس اضافہ
-
برائلرگوشت کی قیمت 699 روپے فی کلو تک پہنچ گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.