قومی اسمبلی کی تنخواہ ملی تو شوکت خانم کو عطیہ کردوں گا: عمران خان

محمد علی بدھ 1 جولائی 2015 21:25

اسلام آباد(اردو پوائنٹ تازہ ترین اخبار. 1 جولائی 2015 ء) عمران خان کا کہنا ہے کہ اگر انہیں قومی اسمبلی کی تنخواہ ملی تو وہ اسےشوکت خانم کو عطیہ کردیں گے۔

(جاری ہے)

تفصیلات کے مطابق ایک نجی ٹی وی کے پروگرام سے گفتگو کرتے ہوئے تحریک انصاف کے سربراہ عمران خان کا کہنا تھا کہ قومی اسمبلی میں غیر حاضری پر تنخواہ نہیں ملنی چاہیئے تاہم اگر انہیں تنخواہ ملی تو وہ اسے شوکت خانم کو عطیہ کردیں گے۔ عمران خان کا کہنا تھا کہ اگر انہوں نے تنخواہ نہ لی تو یہ حکومت کے پیٹ میں چلی جائے گی اس لیے اس سے بہتر ہے کہ تنخواہ کی رقم شوکت خانم کو عطیہ کردی جائے۔