الطاف حسین اپنی سچائی کیلئے ہماری طرح برطانیہ میں مقدمہ کر کے جیتیں،وزیراعظم نے منی لانڈرنگ کے الزام پر بی بی سی کیخلاف عدالت میں جانے کا میرا مشورہ نہیں مانا تھا
مسلم لیگ(ق) کے صدر و سابق وزیراعظم چودھری شجاعت حسین کی غیاث میلہ کی نماز جنازہ پر میڈیا سے گفتگو
بدھ 1 جولائی 2015 21:27
لاہور ( اُردو پوائنٹ اخبار تازہ ترین۔ یکم جولائی۔2015ء ) پاکستان مسلم لیگ(ق) کے صدر و سابق وزیراعظم چودھری شجاعت حسین نے سابق ایم این اے اور مسلم لیگ کی حکومت میں وزیرمملکت غیاث احمد میلہ کی نماز جنازہ میں شرکت کی جو ان کے گاؤں میلہ ضلع سرگودھا میں ادا کی گئی۔ اس موقع پر میڈیا کے سوالات کے جواب میں چودھری شجاعت حسین نے کہا کہ ایم کیو ایم کے قائد الطاف حسین کو فوری طور پر برطانوی عدالت سے رجوع کرنا چاہئے جس طرح ہم نے لندن کے مؤقر اخبار ’’گارڈین‘‘ میں غلط خبر کی اشاعت پر دعویٰ دائر کر کے 1991ء میں جیتا تھا۔
انہوں نے کہا کہ گارڈین نے جو اہمیت میں کسی طور بی بی سی سے کم نہیں ہمارے خلاف بینک کے قرضے معاف کرانے کی جھوٹی خبر شائع کی تھی جس پر ہم نے برطانوی عدالت میں دعویٰ دائر کیا اور اخبار نے صفحہ اول پر اپنی ہی خبر کو غلط قرار دیتے ہوئے ہماری پوری فیملی سے معافی شائع کی تھی اور اسے مقدمہ کے تمام اخراجات ادا کرنا پڑے تھے۔(جاری ہے)
چودھری شجاعت حسین نے کہا کہ نوازشریف کی وزارتِ عظمیٰ کے دوران ان کے اور اسحاق ڈار کے خلاف بی بی سی نے منی لانڈرنگ کرنے کی خبر چلائی تھی جس پر میں نے نوازشریف کو مشورہ دیا تھا کہ انہوں نے اگر منی لانڈرنگ نہیں کی تو میری طرح عدالت سے رجوع کریں لیکن انہوں نے میرا مشورہ نہ مانا اور عدالت میں نہیں گئے تھے۔
چودھری شجاعت حسین نے کہا کہ اب میرا الطاف حسین کو مشورہ ہے کہ وہ اپنی بیگناہی ثابت کرنے کیلئے فوری طور پر بی بی سی کے خلاف دعویٰ دائر کریں تاکہ ان کے خلاف جو ابہام پیدا ہو رہا ہے وہ ختم ہو جائے کیونکہ بی بی سی کیلئے غلط خبر کو عدالت میں ثابت کرنا بہت مشکل ہو گا۔ چودھری غیاث احمد میلہ کی نماز جنازہ میں شرکت کے موقع پر نہایت جذباتی مناظر دیکھنے میں آئے، علاقہ کی سینکڑوں خواتین دھاڑیں مار مار کر رو رہی تھیں۔ چودھری شجاعت حسین نے کہا کہ اس علاقہ میں شاید اتنا بڑا جنازہ پہلے کبھی نہ ہوا ہو گا۔ چودھری شجاعت حسین نے مرحوم کے والد، صاحبزادوں اور جنرل (ر) سلیم میلہ سے مل کر دلی طور پر تعزیت کی۔ چودھری شجاعت حسین کو چہرہ دیکھنے کیلئے کہا گیا تو انہوں نے کہا کہ میں اپنے دل اور تصور میں وہی چہرہ دیکھنا چاہتا ہوں جو کئی سال سے میری رفاقت اور دوستی میں میرے ساتھ رہا۔ سابق سینیٹر ڈاکٹر خالد رانجھا بھی چودھری شجاعت حسین کے ہمراہ جنازہ میں شریک تھے۔متعلقہ عنوان :
مزید اہم خبریں
-
کراچی،غیر ملکی شہریوں کی گاڑی پر خود کش حملہ،2دہشت گرد ہلاک،2سیکورٹی گارڈ سمیت3افراد زخمی
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.