نرخوں پر تنازع ،یوکرین نے روس سے گیس کی خریداری معطل کر دی
روس سے یوکرین کے راستے یورپی یونین کو فراہم کی جانے والی گیس کی رسد جاری رہے گی، نافتو گیس
بدھ 1 جولائی 2015 23:03
کیف(اُردو پوائنٹ اخبار تازہ ترین۔ یکم جولائی۔2015ء) یوکرین نے گیس کے نرخوں پر تنازعے کے بعد روس سے قدرتی گیس کی خریداری معطل کر دی ہے۔یوکرین میں توانائی کی سرکاری کمپنی نافتوگیس کا کہنا ہے کہ روس سے یوکرین کے راستے یورپی یونین کو فراہم کی جانے والی گیس کی رسد جاری رہے گی۔یہ ایک سال میں دوسری مرتبہ ہے جب یوکرین نے روس سے گیس کی خریداری معطل کی ہے۔
روس کے توانائی کے وزیر الیگزینڈر نوواک نے اس فیصلے کو ’بدقسمتی‘ قرار دیا ہے۔روس نے گذشتہ سال فروری میں یوکرین کے مفرور صدر وکٹر یانوکووچ کی حمایت کے بعد قدرتی گیس کی قیمت بڑھا دی تھی۔جس کے بعد جون سنہ 2014 میں یوکرین نے گیس کی خریداری روک دی اور پھر شمالی یوکرین میں شروع ہونے والی لڑائی میں روس نے باغیوں کی مدد کی تھی۔(جاری ہے)
اْس کے بعد یورپی یونین نے آسٹریا کے شہر ویانا میں ہونے والے مذاکرات میں ایک عبوری معاہدہ کیا جس کی ہر تین ماہ بعد توسیع ضروری ہے۔
نافتوگیس نے اپنے بیان میں کہا ہے کہ ’روس اور یوکرین کے درمیان معاہدہ 30 جون کو ختم ہو گیا ہے اور روس سے گیس کی مزید خریداری کے لیے ویانا میں جاری والے سہ فریقی ممالک کی بات چیت پر آج اتفاق نہیں ہو سکا، اس لیے نافتوگیس نے روس سے گیس کی خریداری معطل کر دی ہے۔‘یوکرین کی سالانہ گیس کی کھپت 50 ارب مکعب میٹر ہے جس کا زیادہ تر انحصار درآمدی گیس پر ہے۔گذشتہ کچھ برسوں میں روس اور یوکرین کے درمیان گیس کے نرخوں کے معاملے پر کئی بار کشیدگی پیدا ہوئی ہے۔ روس نے سنہ 2006 اور سنہ 2008 کے موسم سرما میں بھی یوکرین کو گیس کی سپلائی روک دی تھی۔مزید بین الاقوامی خبریں
-
سعودی عرب کی غزہ پر اسرائیلی قابض ریاست کے جنگی جرائم کی شدید مذمت
-
نیتن یاہو امن کی راہ میں رکاوٹ،فورا عہدہ چھوڑ دیں،نینسی پیلوسی
-
امریکی سینیٹ سے یوکرین، اسرائیل، تائیوان کیلئے امدا منظور
-
ورلڈ بینک کی حالیہ رپورٹ میں افغانستان کی تباہ کن معیشت کے متعلق نئی معلومات منظرعام پر آگئیں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
-
دنیا کے بہترین شوہر نے تحفے میں بیوی کو آدھی حکمرانی دیدی
-
سعودی عرب میں وطن دشمنی اورانتہا پسندی ثابت ہونے پر سعودی شہری کا سرقلم
-
سرکاری نوکری نہ ملنے پر بھارتی شہری گدھی کے دودھ سے لاکھوں کمانے لگا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.