حفیظ کے باوٴلنگ ایکشن کیلئے آئی سی سی سے درخواست کردی

جمعرات 2 جولائی 2015 12:33

حفیظ کے باوٴلنگ ایکشن کیلئے آئی سی سی سے درخواست کردی

لاہور(اُردو پوائنٹ اخبار تازہ ترین۔ 02 جولائی۔2015ء) پاکستان کرکٹ بورڈ نے محمد حفیظ کے ٹیسٹ میں چار جولائی سے آگے توسیع کیلئے انٹرنیشنل کرکٹ کونسل(آئی سی سی) سے درخواست کردی ہے۔میڈیا رپورٹ کے مطابق محمد حفیظ کا باوٴلنگ ایکشن سری لنکا کے خلاف گال میں کھیلے گئے پہلے ٹیسٹ میچ میں دوبارہ مشکوک رپورٹ ہوا تھا اور اگر وہ اس بار اپنے ایکشن کو درست ثابت کرنے میں کامیاب نہ ہوئے اور ان کا ایکشن 15 ڈگری سے زیادہ خم کھاتی نظر آئی تو ان کی باوٴلنگ پر ایک سال کیلئے پابندی لگ جائے گی۔

حفیظ کے باوٴلنگ ٹیسٹ کیلئے 30 جون کی تاریخ دی گئی تھی کو چنئی کی لیبارٹری میں ہونا تھا تاہم بھارتی ویزا نہ آنے کے سبب حفیظ ٹیسٹ کیلئے نہ جا سکے۔حفیظ اسکواڈ کے ساتھ پالے کیلی پہنچ چکے ہیں جہاں تین جولائی سے پاکستان اور سری لنکا تیسرے ٹیسٹ میچ میں مدمقابل ہوں گے۔

(جاری ہے)

پاکستانی ٹیم کے منیجر نوید اکرم چیمہ نے کہا کہ غیرمعمولی حالات کی وجہ سے ہم نے آئی سی سی نئی تاریخ کی درخواست کی ہے۔

ہم نے ان کا ٹیسٹ 14 دن کے اندر کرانے کی ہر ممکن کوشش کی تاہم انڈین سفارتخانے کی جانب سے ویزا جاری نہیں کیا گیا۔ہم نے تیسرے ٹیسٹ اور ایک روزہ میچوں کی سیریز کے دوران نئی تاریخ کی درخواست کی ہے ۔حفیظ کا ایکشن 21 جون کو رپورٹ ہوا تھا اور آئی سی سی قوانین کے مطابق ایکشن رپورٹ ہونے کے 14 دن کے اندر ایکشن کا ٹیسٹ کرانا لازمی ہے۔