صوبائی وزیر برائے سماجی بہبود کا رمضان بازاروں کا دورہ
جمعرات 2 جولائی 2015 14:12
لاہور ۔2 جولائی (اُردو پوائنٹ اخبار تازہ ترین۔ 02 جولائی۔2015ء) صوبائی وزیر سوشل ویلفیئر سید ہارون احمد سلطان بخاری نے جمعرات کے روز شہر کے مختلف علاقوں میں قائم رمضان بازاروں کا دورہ کیا- انہوں نے عوام سے خطاب کرتے ہوئے کہا کہ حکومت پنجاب نے ماہ رمضان میں عوام کو ریلیف دینے کے لئے اربوں روپے کا تاریخی رمضان پیکیج دیا ہے اس پیکیج کے تحت سستے آٹے کی فراہمی پر تین ارب پچاس کروڑ روپے کی سبسڈی دی جا رہی ہے جس کے تحت رمضان بازاروں میں 10 کلو گرام آٹے کا تھیلا 310/-روپے میں فروخت کیا جا رہا ہے - رمضان بازاروں میں چینی 52 روپے فی کلو کے حساب سے دستیاب ہے - انہوں نے کہا کہ رمضان بازاروں کی صورتحال وزیر اعلی پنجاب محمد شہباز شریف بذات خود مانیٹر کر رہے ہیں اور اس ضمن میں انتظامی سطح پر کسی قسم کی غفلت برداشت نہیں کی جائے گی اور ذمہ داران افسران کے خلاف ایکشن لیا جائے گا - صوبائی وزیر نے رمضان بازاروں میں کریانہ ، سبزی ، فروٹس ،آٹا ، چینی ، ایگریکلچر فیئر پرائس شاپس ، پولٹری ، یوٹیلٹی سٹورز ، مشروبات اور گوشت کے سٹالز کا تفصیلی معائنہ کیا -انہوں نے رمضان بازاروں میں گھی کے نرخ یکساں نہ ہونے پر متعلقہ افسران کو ہدایت کی کہ وہ رمضان بازاروں میں عوام کو یکساں نرخوں پر گھی فراہم کریں اور اشیائے خوردونوش کے نرخوں کو بڑے حروف میں لکھوا کر نمایاں جگہوں پر آویزاں کریں -انہوں نے صارفین سے گفتگو کرتے ہوئے کہا کہ وزیر اعلی پنجاب کے عوام دوست اقدامات کی وجہ سے بڑی منڈیوں پر کنٹرول حاصل کر کے ذخیرہ اندوزوں اور ناجائز منافع خوروں کے نیٹ ورک کو توڑ دیا گیا ہے تاکہ عام مارکیٹوں میں بھی لوگوں کو معیاری اشیاء وافر اور سستے داموں میسر آ سکیں -سید ہارون احمد سلطان بخاری نے کہا ہے کہ حکومت کے تاریخی رمضان پیکیج کے ثمرات عوام تک پہنچانے کے لئے کوئی دقیقہ فروگزاشت نہیں کیا جائے گا - وزیر اعلی محمدشہباز شریف کی ہدایت کے مطابق عام آدمی کو خصوصی ریلیف کی فراہمی کے لئے صوبہ بھر میں اراکین صوبائی اسمبلی ، سیکرٹریز ، ضلعی انتظامیہ و متعلقہ افسران رمضان و ماڈل بازاروں کے دورے کر رہے ہیں - اس ضمن میں منافع خوروں اور ناقص اشیائے خوردونوش فروخت کرنے والوں کو کسی صورت معاف نہیں کیا جائے گا-
مزید اہم خبریں
-
وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت
-
خیبر میں سکیورٹی فورسزکا انٹیلی جنس بیسڈ آپریشن، 3 دہشت گرد ہلاک
-
راولپنڈی، مسافر بس میں ڈکیتی، ڈاکو کی فائرنگ سے مسافر جاں بحق بس کا ڈرائیور زخمی
-
جنہوں نے فیصلے کیے اور جنہیں حکومت میں بٹھایا دونوں ہی پھنس گئے ہیں، امیر جماعت اسلامی
-
گزشتہ سال اٹھائیس کروڑ سے زائد افراد شدید بھوک کا شکار ہوئے
-
پنجاب پولیس کی وردی پہننے پر وزیر اعلیٰ مریم نواز کیخلاف مقدمہ درج کرنے کی درخواست دائر
-
خیبرپختونخوا ہ حکومت کا صحت کارڈ کی مد میں ڈاکٹرز کو موصول رقم پر سیلز ٹیکس لگانے کا فیصلہ
-
عمران خان نے سعودی عرب کے حوالے سے بیان پر میری سرزنش کی، شیرافضل مروت
-
سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
مفت دوائیں گھرپہنچانے کا منصوبہ،دیہاتوں کے مریض سہولت سے فائد ہ نہیں اٹھاسکیں گے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.