دہشت گردوں کی موجودگی یا منصوبوں سے واقف ہونے کے باوجوداسکی رپورٹ نہ کرنا سنگین گناہ ہے ،سعودی علماء کونسل
جمعرات 2 جولائی 2015 16:39
جدہ(اُردو پوائنٹ اخبار تازہ ترین۔ 02 جولائی۔2015ء)سعودی عرب کی سینئر مذہبی علماء کونسل نے کہا ہے کہ ایک ایسا شخص جو دہشت گردوں اور انتہاپسندوں کی موجودگی یا ان کے منصوبے سے واقف ہونے کے باوجود اس کی رپورٹ نہیں کرتا تو وہ ”سنگین گناہ“ کا ارتکاب کرتا ہے۔میڈیا رپورٹس کے مطابق سعودی عرب کی سینئر مذہبی علماء کونسل کے رکن اور شاہی عدالت کے مشیر عبداللہ بن سلیمان المناعینے اپنے بیان میں کہا کہ ہمیں ہمارے مذہب کو تحفظ فراہم کرنے والے ادارے یا اتھارٹی کے ساتھ لازماً تعاون کرنا چاہیے، معاشرے کے تمام افراد لازمی طور پر برائے کے خلاف جنگ اور اس پر قابوپانے میں اپنا کردار اداکریں۔
“عبداللہ بن سلیمان المناعی نے مساجد پر حالیہ بم دھماکوں کی سخت مذمت کی، جن کی وجہ سے یہ محفوظ اور مقدس مقامات خوف کی جگہوں میں تبدیل ہوگئے ہیں۔(جاری ہے)
انہوں نے کہا کہ ان کارروائیوں کی ”تاریخ میں مثال“ نہیں ملتی، اور یہ اسلام کی پْرامن اقدار کے منافی ہیں۔ان کا کہنا تھا کہ یہ برائی ناصرف عرب دنیا میں بلکہ یورپ میں پھیل گئی ہے، انہوں نے کہا کہ ہمیں امید ہے کہ اقوامِ متحدہ اس ضمن میں سخت کارروائی کرے گا، اور ایسے گروپ جو برائی کو فروغ نہیں دے رہے ہیں اور اسلام کی غلط تعبیر نہیں پیش کررہے ہیں، ان کے تعاون سے اس پر قابو پائے گا۔
شاہی عدالت کے مشیر نے کہا کہ ان سرگرمیوں میں ملوث ہونے سے اپنے بچوں کو روکنے میں خاندان اہم کردار ادا کرسکتے ہیں۔ ان کا کہنا تھا کہ والدین کو اپنے بچوں کی لازماً رہنمائی کرنی چاہیے اور ان لوگوں کی صحبت سے انہیں دور رکھنا چاہیے جو ان کی غلط سمت میں رہنمائی کرسکتے ہیں۔سعودی عرب کے سینئر عالم نے کہا کہ معاشرے کے تمام افراد اگر خطرناک یا مشتبہ سرگرمیوں یا رویوں کی لازماً رپورٹ کرنی چاہیے۔مزید بین الاقوامی خبریں
-
اسرائیل کا شام پرراکٹ حملہ،معمولی نقصان کی اطلاع
-
ساحل پرگم ہوجانے والی ہیرے کی انگوٹھی معجزانہ طور پر مل گئی
-
بھیڑوں میں آپس کی لڑائی روکنے کیلئے انوکھا طریقہ متعارف
-
چینی سائنسدانوں نے پھول سے خوبصورت ہیرا بنا لیا
-
چین، 41 ویں وائی فانگ بین الاقوامی پتنگ میلے کا آغاز، آسمان رنگین پتنگوں سے بھر گیا
-
امریکہ میں فائرنگ، 5 طلبا زخمی، ملزم فرار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.