سینیٹ کی قائمہ کمیٹی برائے خزانہ کا اجلاس
جمعرات 2 جولائی 2015 16:53
اسلام آباد ۔ 2 جولائی (اُردو پوائنٹ اخبار تازہ ترین۔ 02 جولائی۔2015ء) سینیٹ کی قائمہ کمیٹی برائے خزانہ کا اجلاس چیئرمین کمیٹی سینیٹر سلیم ایچ مانڈوی والا کی زیر صدارت پارلیمنٹ لاجز کے کانفرنس ہال میں منعقد ہوا۔ قائمہ کمیٹی کے اجلاس میں کریڈٹ بیورو بل 2015، کسب بنک کے بنک اسلامی میں ضم، ہیوی الیکٹریکل کمپلیکس کی نجکاری اور مسلم کمرشل بنک کی نجکاری اور نیب کی اس حوالے سے انکوائری کے معاملات کا تفصیل سے جائزہ لیا گیا۔
سیکریٹری نجکاری محمد زبیر نے قائمہ کمیٹی کو ہیوی الیکٹریکل کمپلیکس کی نجکاری کے حوالے سے تفصیلی آگاہ کرتے ہوئے بتایا کہ اس کی نجکاری کیلئے پہلے بھی تین دفعہ کوشش کی گئی تھی اور اس کی نج کاری قواعد و ضوابط کے مطابق عمل میں لائی گئی ہے۔(جاری ہے)
ٹینڈر میں تین پارٹیوں نے دلچسپی دکھائی تھی اور آخر میں ایک کمپنی نے پیسے جمع کرائے تھے۔ ہماری ایک ٹرانزکشن کمیٹی ہے جس کے ممبران پی سی بورڈ، فنانس ڈویژن، صنعت و پیداوار اور ایچ ای سی پر مشتمل ہے، ٹرانزکشن کمیٹی نے تمام معاملات کا تفصیل سے جائزہ لیا تھا پھر بورڈ کی میٹنگ میں اس کی نجکاری کی منظوری دی جس پر اراکین کمیٹی نے کہا کہ بورڈ کی میٹنگ 9 دسمبر 2014ء کو ہوئی اور جس کمپنی نے ایچ ای سی خریدی اس کی رجسٹریشن ایک دن بعد 10 دسمبر2014ء کو ہوئی۔
معاملات میں کچھ عجیب محسوس ہوتا ہے یہ کمپنی رجسٹر ہی نہیں تھی۔ بور ڈ کی میٹنگ میں اس کو کیسے منظور کر لیا، اراکین کمیٹی کے تحفظات کو دیکھتے ہوئے فیصلہ کیا گیا کہ سینیٹر محمد محسن خان لغاری کی زیر صدارت ایک ذیلی کمیٹی تشکیل دے کر معاملات کا تفصیل سے جائزہ لیا جائے۔ کریڈٹ بیور بل 2015ء کے حوالے سے گورنر اسٹیٹ بنک نے کہا کہ کریڈٹ کے حوالے سے دنیا کے 126 ممالک میں کام ہو رہا ہے اور صرف 4 ممالک میں حکومت یہ معاملات چلا رہی ہے باقی ممالک میں پرائیوٹ کمپنیاں یہ خدمات سرانجام دے رہی ہیں۔مارکیٹ کی ترقی اس کے بغیر ممکن نہیں ہے، اس پر اراکین کمیٹی نے کہا کہ پچھلے اجلاس میں بھی اس بل پر تفصیلی بحث کی جاچکی ہے ہم نے اپنی تجاویز چیئرمین کمیٹی کو بھیج دی ہیں ان تجاویز کو بل کا حصہ بنا کر نیا بل تیار کیا جائے اوربعد میں منظوری کیلئے پیش کیا جائے۔ بل کو ترمیم کے بغیر منظور نہیں کیا جا سکتا۔ مسلم کمرشل بنک کی نجکاری و نیب کی طرف سے انکوائری کے حوالے سے کمیٹی نے فیصلہ کیا کہ متعلقہ اداروں بشمول نیب کو بلا کر آئندہ اجلاس میں معاملے کا تفصیل سے جائزہ لیا جائے گا۔
گورنر اسٹیٹ بینک نے کہا کہ سینیٹ کی قواعد وضوابط و استحقاق کی کمیٹی میں جو فیصلہ ہوا تھا اس کے مطابق ہم نے تمام 39 فائلیں نیب کو دے دی تھیں جب نیب کو کمیٹی کے منٹس وصول ہوئے تو انہوں نے یہ فائلیں واپس چھوڑ دیں کہ کمیٹی کے منٹس میں یہ شامل نہیں ہے جس پر سیکریٹری خزانہ محمد وقار مسعود نے کہا کہ ہمیں کمیٹی جو رہنمائی دے گی اس کے مطابق ہم کام کرنے کو تیار ہیں۔ کسب بنک کے بنک اسلامی میں ضم کے حوالے سے گورنر اسٹیٹ بنک نے کہا کہ کیس عدالت میں چل رہاہے اس پر بحث نہیں کی جاسکتی۔ قائمہ کمیٹی کے اجلاس میں عزیز الله کی عرضداشت کا بھی تفصیل سے جائزہ لیا گیا۔ ایف بی آر کے حکام نے قائمہ کمیٹی کو کیس بارے تفصیلی آگاہ کیا جس پر چیئرمین کمیٹی نے کہا کہ قائمہ کمیٹی کو تحریری طور پر کیس کا جواب فراہم کیا جائے۔ چیئرمین کمیٹی سینیٹر سلیم ایچ مانڈوی والا نے کہا کہ فرانس کے سفیر نے وفاقی وزیر برائے خزانہ اور مجھے خطوط لکھے ہیں جن میں کچھ مسائل کے بارے میں آگاہ کیا گیا۔ انہوں نے کہا کہ سفارتکاروں کو ایسے مسائل کا سامنا ہوتو ملک کی بدنامی کا باعث بنتے ہیں جس پر گورنر اسٹیٹ بنک نے کہا کہ ان کا کیس سول ایوی ایشن اتھارٹی کے متعلق ہے ان کا ہونا ضروری ہے۔ سیکریٹری خزانہ وقار مسعود نے قائمہ کمیٹی کو یقین دلایا کہ فرانس کے سیفر کے مسائل کو جلد ازجلد حل کر لیا جائے گا۔ قائمہ کمیٹی کے اجلاس میں سینیٹرز محمد محسن خان لغاری، کامل علی آغا، مسز نزہت صادق، مس عائشہ رضا فاروق، سردار فتح محمد محمد حسنی، اسلام الدین شیخ، محسن عزیز اور سعید غنی کے علاوہ سیکریٹری خزانہ، سیکریٹری نجکاری، گورنر اسٹیٹ بنک، وزارت قانون کے حکام، ممبر ایف بی آر و دیگر اعلیٰ حکام نے شرکت کی۔متعلقہ عنوان :
مزید اہم خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں ، وفاقی وزیررانا تنویر حسین
-
حکومت عوام کو پیپلز بس سروس کی صورت میں جدید، موثر، محفوظ پبلک ٹرانسپورٹ سسٹم فراہم کرنے کے اپنے عزم کو پورا کررہی ہے۔وزیراعلی سندھ
-
وفاقی وزیرعبدالعلیم خان کا سمبڑیال کھاریاں موٹروے کا دورہ،جلد تکمیل کی ہدایت
-
نائب وزیراعظم اور وزیر خارجہ، محمد اسحاق ڈار کا کویت کے ساتھ روایتی طور پر برادرانہ تعلقات کو باہمی طور پر فائدہ مند اقتصادی شراکت داری میں تبدیل کرنے پر زور
-
فری میڈیسن ڈیلیوری پراجیکٹ کا افتتاح ، وزیراعلی مریم نوازشریف میڈیسن لیکرمریضوں کے گھرخود پہنچ گئیں
-
ملکی معیشت کو مستحکم کرنا اولین ترجیح ہے، 30 کمپنیوں پر مشتمل اعلی سطح کا سعودی وفد کل پاکستا ن آرہا ہے،10ارب ڈالر تک کی سرمایہ کاری متوقع ہے ۔وفاقی وزیر پٹرولیم مصدق ملک کی پریس کانفرنس
-
پاکستان مجموعی قومی پیداوار میں 8 فیصد تک نمو حاصل کرسکتا ہے، عالمی بینک
-
لاکھ مریضوں کو گھرکی دہلیز پرمفت ادویات پہنچائیں گے‘ مریم نواز
-
سانحہ 9 مئی، فواد چودھری جے آئی ٹی کے سامنے پیش، تحریری جواب کیلئے وقت مانگ لیا
-
سعودی عرب کے ڈپٹی وزیر سرمایہ کاری کی سربراہی میں35کمپنیوں کا وفد (کل ) پاکستان کے دورے پر آئیگا‘ مصدق ملک
-
سیاسی جماعتیں اور ادارے آئین کی تابعداری کریں تو گریٹر ڈائیلاگ کا آغاز ہوسکتا ہے
-
گندم کا وافر سٹاک موجود ہونے کے باوجود نئی حکومت کے دور میں بھی لاکھوں ٹن گندم امپورٹ ہونے کا انکشاف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.