عوامی اہمیت کے معاملات ، بدعنوانی کے خاتمے، سرکاری شعبے کی کارکردگی میں بہتری اور عوام کو معیاری خدمات کی فراہمی کے سلسلے میں اپناکردار ادا کریں
صدر مملکت ممنون حسین کی آڈیٹر جنرل رانا اسد امین سے گفتگو
جمعرات 2 جولائی 2015 20:58
اسلام آباد ۔ 2 جولائی (اُردو پوائنٹ اخبار تازہ ترین۔ 02 جولائی۔2015ء) صدر مملکت ممنون حسین نے آڈیٹر جنرل کو ہدایت کی ہے کہ وہ عوامی اہمیت کے معاملات ، بدعنوانی کے خاتمے، سرکاری شعبے کی کارکردگی میں بہتری اور عوام کو معیاری خدمات کی فراہمی کے سلسلے میں اپناکردار ادا کریں۔ انہوں نے یہ بات آڈیٹرجنرل آف پاکستان رانا اسد امین سے بات چیت کرتے ہوئے کہی جنہوں نے جمعرات کو ایوانِ صدر میں اُن سے ملاقات کی۔
صدر مملکت نے انہیں نئی تقرری پر مبارکباد دیتے ہوئے کہا کہ آڈیٹر جنرل آف پاکستان کا ادارہ دیانتداری، معیار اور شفافیت کی اعلیٰ اقدار کے فروغ میں اہم کردار کا حامل ہے۔ صدر نے اس امر پر اطمینان کا اظہار کیا کہ موجودہ حکومت کی شہرت کسی سکینڈل سے مجروح نہیں ہوئی۔(جاری ہے)
انہوں نے کہا کہ اب ملک صحیح سمت میں گامزن ہے اور مجموعی اقتصادی صورتحال مستقبل قریب میں مزید بہتر ہوگی۔
صدر مملکت نے آڈٹ کے شعبہ میں فرانزک، ماحول اور آئی ٹی آڈیٹنگ جیسے جدید ترین رجحانات کو بروئے کار لاتے ہوئے آڈٹ ڈیپارٹمنٹ اور سرکاری شعبہ سے بدعنوانی اور نااہلی کو جڑ سے اکھاڑنے کے لئے مربوط کوششیں بروئے کار لانے کی ضرورت پر زور دیا ہے۔ انہوں نے کہا کہ پبلک اکاؤنٹس کمیٹی، وزارت خزانہ اور کنٹرولر جنرل آف اکاؤنٹس کے ساتھ آڈیٹر جنرل کے ڈیپارٹمنٹ کا قریبی رابطہ سرکاری مالیاتی مینجمنٹ، حکومتی اہلکاروں کے موثر احتساب اور پارلیمانی نگرانی کو تقویت دینے کے لئے ایک ناگزیر عنصر ہے۔ آڈیٹر جنرل نے صدر مملکت کو میرٹ، شفافیت اور احتساب کو یقینی بنانے کے لئے اپنے محکمے کی کارکردگی کی بہتری کے لئے اٹھائے جانے والے متعدد اقدامات کے بارے میں آگاہ کیا۔متعلقہ عنوان :
مزید اہم خبریں
-
وزیر مملکت برائے آئی ٹی و ٹیلی کمیونیکیشن شزہ فاطمہ خواجہ سے میٹا کے وفد کی ملاقات
-
معروف ایرانی ریپر توماج صالحی کو سزائے موت سنا دی گئی
-
سپریم کورٹ کا تمام عمارتوں اور سڑکوں سے رکاوٹیں و تجاوزات ہٹانے کا حکم
-
ملالہ کی اسرائیل کی مذمت، غزہ کی حمایت کا اعادہ
-
غزہ کی جنگ انٹرنیشنل ورلڈ آرڈر کے لیے ساکھ کی جنگ بن گئی ہے، شیری رحمن
-
خدشات ہیں شبِ برات پر بشری بی بی کے کھانے میں زہر ملایا گیا،مشال یوسف زئی
-
چیف جسٹس قاضی فائز عیسیٰ نے پروٹوکول واپس کردیا
-
شیرافضل مروت کی قصورمیں درج مقدمے میں حفاظتی ضمانت منظور
-
2023میں پاکستان کو 2 ارب 35 کروڑ ڈالرز فراہم کیے، ایشیائی ترقیاتی بینک
-
پولیس یونیفارم پہننا جرم ہے جس کی قانون میں سزا ہے،یاسمین راشد
-
سرکاری ادارے ملازمین کو پال رہے، ان کو بٹھا کر تنخواہیں دی جارہی ہیں، چیف جسٹس
-
عدالت نے عمران خان و بشریٰ بی بی کو ریاستی اداروں اور آفیشلز کیخلاف بیان دینے سے روک دیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.