لاہور چیمبر آف کامرس اینڈ انڈسٹری کا حکومت کی طرف سے بینکوں سے ہر قسم کے لین دین پر ٹیکس عائد کرنے کے فیصلے پر نظرثانی کا مطالبہ
ٹیکس عائد کرنے سے متوازی بینکاری یعنی ہنڈی و حوالہ اور نقد لین دین کو فروغ ملے گا ، نائب صدر سید محمود غزنوی
جمعرات 2 جولائی 2015 22:49
لاہور ۔2 جولائی (اُردو پوائنٹ اخبار تازہ ترین۔ 02 جولائی۔2015ء) لاہور چیمبر آف کامرس اینڈ انڈسٹری نے حکومت کی طرف سے بینکوں سے ہر قسم کے لین دین پر ٹیکس عائد کرنے کے فیصلے پر نظر ثانی کا مطالبہ کرتے ہوئے کہا ہے کہ اس سے حکومت کی اپنی کوششوں کو دھچکا لگے گا جو وہ دستاویزی معیشت کو فروغ دینے کے لیے اٹھارہی ہے۔ ایک بیان میں لاہور چیمبر آف کامرس اینڈ انڈسٹری کے نائب صدر سید محمود غزنوی نے کہا کہ حکومت نے بینکوں سے لین دین، چیک جمع کرانے، ڈرافٹ پے آرڈر بنوانے، ٹی ٹی رقوم کی منتقلی اور بینکوں سے رقوم نکلوانے سمیت صارفین کے لیے بینکنگ سیکٹر کی تمام سہولیات پر ٹیکس عائد کرکے تاجر برادری کی مشکلات میں مزید اضافہ کردیا ہے ۔
سید محمود غزنوی نے کہا کہ ٹیکس عائد کرنے سے متوازی بینکاری یعنی ہنڈی و حوالہ اور نقد لین دین کو فروغ ملے گا جس سے ایک طرف امن و امان کی صورتحال کے پیش نظر تاجروں کو خطرات لاحق ہونگے اور دوسری طرف بینکنگ چینل کا استعمال ترک کرنے سے بینکنگ سیکٹر بھی تباہ ہوجائے گا۔(جاری ہے)
لاہور چیمبر آف کامرس اینڈ انڈسٹری کے نائب صدر نے کہا کہ اگرچہ یہ ٹیکس نان فائلرز کے لیے عائد کیا گیا ہے لیکن فائلر اور نائن فائلر کے درمیان فرق جانچنے کے لیے فیڈرل بورڈ آف ریونیو کے پاس کوئی قابل اعتماد نظام نہیں ہے جس کی وجہ سے تاجروں کے مسائل میں مزید اضافہ ہوگا ۔
سید محمود غزنوی نے کہا کہ فیڈرل بورڈ آف ریونیو کی جانب سے کھاتے داروں کے اکاؤنٹس تک رسائی اور چھاپوں نے پہلے ہی کاروباری معاملات خراب کررکھے ہیں، ایسے میں بینکوں کی تمام سہولیات پر ٹیکس جلتی پر تیل کا کام کریں گے۔ لاہور چیمبر آف کامرس اینڈ انڈسٹری کے نائب صدر نے وفاقی وزیر خزانہ اسحاق ڈار پر زور دیا کہ وہ صنعت و تجارت اور تاجر برادری کے وسیع تر مفاد میں فوری طور پر یہ فیصلہ واپس لینے کے احکامات صادر کریں وگرنہ غیردستاویزی معیشت کو فروغ ملے گا جو کسی طرح بھی ملک کے مفاد میں نہیں ہوگا۔متعلقہ عنوان :
مزید تجارتی خبریں
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
دو ہفتوں کے دوران پیٹرول کی قیمت میں 5 فیصد اضافہ
-
پاکستان اسٹاک مارکیٹ بدھ کو بھی کاروباری اتار چڑھائو کی زد میں رہی ،اگرچہ ٹریڈنگ کے دوران انڈیکس 70700پوائنٹس کی بلند سطح عبور کر گیا تھا تاہم پرافٹ ٹیکنگ کیلئے فروخت کے دبائو سے تیزی مندی میں تبدیل ..
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
ایس ای سی پی نے پہلے ڈیجیٹل انشورنس کا لائسنس جاری کردیا
-
انٹر بینک میں روپے کے مقابلے ڈالر کی قدر مستحکم رہی جبکہ اوپن مارکیٹ میں ڈالر مہنگا
-
پی ایس ایکس نے لسٹڈ کمپنیوں کے لیے ای ایس جی پریمیئر جاری کردیا
-
ایس ای سی پی نے فرنٹ رننگ کے الزام میں دو افراد کے خلاف فوجداری مقدمہ درج کرا دیا
-
پاکستان سٹاک ایکسچینج میں مندی کارحجان
-
آئی ایم ایف کی آئندہ سال پاکستان میں افراط زرکی شرح میں نمایاں کمی اورمجموعی قومی پیداوارمیں اضافہ کی پیشنگوئی
-
ملک بھر میں سونے کی قیمت میں 2400روپے اضافہ ریکارڈ
-
پاکستان سٹاک ایکسچینج میں مندی کارحجان، 100 انڈکس 60.92 پوائنٹس کی کمی کے بعد 70483.66 پوائنٹس پربند
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.