مقبوضہ کشمیرمیں انسانی حقو ق کی پامالیوں بارے ایمنسٹی انٹرنیشنل کی رپورٹ چشم کشا ہے
جمعہ 3 جولائی 2015 15:34
سرینگر ۔3 جولائی (اُردو پوائنٹ اخبار تازہ ترین۔ 03 جولائی۔2015ء) مقبوضہ کشمیر میں جموں کشمیر لبریشن فرنٹ (آر )کے سرپرست اعلیٰ بیرسٹرعبدالمجید ترمبو اور دینی تنظیموں جماعت اسلامی مقبوضہ کشمیر اور مسلم دینی محاذنے جموں وکشمیر میں انسانی حقوق کی خلاف ورزیوں سے متعلق انسانی حقوق کی عالمی تنظیم ایمنسٹی انٹرنیشنل کی رپورٹ کو عالم انسانیت کے لیے چشم کشا قراردیا ہے۔
کشمیر میڈیاسروس کے مطابق جے کے ایل ایف (آر) کے سرپرست اعلیٰ بیرسٹرعبدالمجید ترمبو نے ایک بیان میں ایمنسٹی انٹرنیشنل کی رپورٹ پر اطمینان کا اظہار کرتے ہوئے کہا کہ مقبوضہ کشمیر دنیا کے ان خطوں میں شامل ہے جہاں سب سے بڑی تعداد میں فوجی تعینات ہیں جنہیں آرمڈ فورسز اسپیشل پاور زایکٹ کے تحت حاصل غیر معمولی اختیارات کی وجہ سے مقبوضہ علاقے میں روز المیے جنم لیتے ہیں۔(جاری ہے)
جن کا آرمڈ فورسز اسپیشل پاورز ایکٹ اور دیگر کالے قوانین کی آڑ میں بھارتی فوجی ، پولیس اہلکاراور دیگر ایجنسیاں مظلوم کشمیری عوام کو نشانہ بنا رہے ہیں۔
انہوں نے کہاکہ 72صفحات پر مشتمل رپورٹ میں واضح طور پرکہاگیا ہے کہ گزشتہ 25برس کے دوران سرکاری اعداد و شمار کے مطابق 43ہزار افراد جاں بحق ہوئے ہیں حالانکہ حقیقت میں یہ تعداد اس سے بہت زیادہ ہے۔ انہوں نے کہاکہ اس عرصے کے دوران 10ہزار سے زائد کشمیریوں کو دوران حراست لاپتہ کردیا گیا ہے اور مقبوضہ علاقے کے دسیوں مختلف مقامات پر لاوارث قبرستان بھی موجود ہیں جہاں جعلی مقابلوں کے دوران شہید کئے گئے بے گناہ افراد کوگمنام قبروں میں دفن کیا گیا ہے اور نقد انعامات اور ترقیوں کے لیے جعلی کارکردگی رپورٹیں بناکر، اپنی ہی حکومت کی بیوقوف بنایا گیا۔جماعت اسلامی نے عالمی برادری اور انسانی حقوق کی بین الاقوامی تنظیموں سے بھی اپیل کی کہ وہ رپورٹ کا سنجیدہ نوٹس لیں اور ایک غیرجانبدارعالمی ادارے کے ذریعے کشمیر میں انسانی حقوق کی پامالیوں میں ملوث تمام فوجی اور پولیس اہلکاروں کے خلاف عالمی عدالت انصاف میں باضابطہ مقدمہ دائر کریں۔ مسلم دینی محاذنے ایک بیان میں حقوق انسانی کی بین الاقوامی تنظیم ایمنسٹی انٹرنیشنل کی رپورٹ کو جموں و کشمیر کے عوام کی اخلاقی فتح قرار دیا ہے۔پارٹی کے ترجمان نے ایک بیان میں کہاکہ بھارت اقوامِ عالم کوگمراہ کرنے کیلئے مقامی و بین الا قوامی فورموں پرکشمیر کے حوالے سے جمہوریت، انسانی حقوق،زیرو ٹالرنس،امن و امان اورمذاکرات کے سریلے راگ الاپ رہا ہے جبکہ کشمیر میں بھارتی فوجی کالے قوانین کی تلوار سے عوام پر ظلم وتشدداورقتل و غارت کے پہاڑ توڑ رہے ہیں۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.