سندھ میں آصف زرادری اور جیالوں نے پی پی کو اسٹیٹ ایجنسی اور منیشات کا کاروبار بنایا ہوا ہے ، اشرف نوناری
سندھ کی تاریخ میں پہلی بار کھیتی باڑی کرنے والے جیالے راتوں رات کروڑ پتی بن گئے ،سندھ میں عوام بھوک سے مررہی ہے مگر پھر بھی بھٹو زندہ ہے
جمعہ 3 جولائی 2015 21:55
حیدرآباد(اُردو پوائنٹ اخبار تازہ ترین۔ 03 جولائی۔2015ء) سندھ میں آصف علی زرادری اور جیالوں نے پی پی کو اسٹیٹ ایجنسی اور منیشات کا کاروبار بنایا ہوا ہے ،سندھ کی تاریخ میں پہلی بار کھیتی باڑی کرنے والے جیالے راتوں رات کروڑ پتی بن گئے،سندھ میں عوام بھوک سے مررہی ہے مگر پھر بھی بھٹو زندہ ہے،سندھ کی عوام اب شہیدوں کے نام پر ووٹ نہیں دے گی سندھ کا ووٹ اب قوم پرستوں کی امانت ہے یہ بات سندھ نیشنل پارٹی کے مرکزی رہنماء اشرف نوناری نے نیشنل ہاؤس حیدرآبادمیں افطار ڈنر میں شریک کارکنان سے خطاب کرتے ہوئے کہی انہوں نے کہاکہ سندھ میں پی پی پی کے 7سالہ حکومتی دور میں غربت کی شرح میں 37فیصد اضافہ ہوا ہے جبکہ جیالوں کی شرح آمدنی میں 1000فیصد سے زائد اضافہ ہوا ہے رینجرز نیب اور ایف آئی اے کی جانب سے بدعنوان وزیروں اور بیوروکریسی کے خلاف کاروائیوں کے بعد 90فیصد وزیر،مشیر اور بدعنوان افسران نے ممکنہ گرفتاریوں سے قبل عدالتوں سے ضمانتیں کرالیں ہیں،اور 10فیصد ملک سے فرار ہیوگئے ہیں اشرف نوناری نے کہاکہ سندھ میں تین سو سے زائد بااثر شخصیات کے زمینوں بنگلوں اور اوطاقوں اور سیکورٹی پر 7ہزارسے زائد پولیس اہلکار تعینات ہیں،جن کی تنخواہیں ،اخراجات،اور سرکاری گاڑیوں کے پیٹرول کا بل سرکاری خزانے سے ادا کیا جاتا ہے ،اشرف نوناری نے کہا کہ قومی وسائل اور قومی خزانے کو لوٹنے والے جیالے آج چھپنے پر مجبور ہیں آئندہ چنددونوں میں سندھ کے بڑے بڑے بدعنوان صوبائی وقومی اسمبلی کے ممبران آصف زرداری اور پی پی پی سے لاتعلقی کا اعلان کرنے والے ہیں اس سلسلے میں سطانی گواہ بنے اور جان بخشی کے لئے پی پی کے بہت سے لوگ بڑی سرکار اور مختلف جماعتوں سے مسلسل رابطے میں ہیں جس طرح پنجاب میں سب لوگ پی پی سے علیحدہ ہورہے ہیں اسی طرح عید کے بعد پی پی جو چھوڑنے والون کو لائینیں سندھ میں لگ جائیں گی،انہوں نے کہاکہ موجودہ وقت قوم پرستوں کے لئے سیاسی آئیڈیل ہے اگر قوم پرستوں نے اٹل اور سنجیدگی سے حکمت علی بناکر سندھی قوم کو پی پی پی کا متبادل فراہم نہیں کیاتو پھر قوم پرستوں کو ایسا موقع کھبی بھی نہیں مل سکتا انہوں نے کہاکہ سندھ نیشنل پارٹی سندھی قوم کو ایک ایسا پلٹ فارم مہیا کرنے جارہی ہے جس سے قوم اپنے حقوق حاصل کرسکتی ہے اور سندھ میں خوشحالی آسکتی ہے انہوں نے ڈاکٹر قادر مگسی ،سید جلال محمودشاہ ،ایاز لطیف پلیجو اور دیگر سے اپیل کی ہے کہ موجودہ حالات کو مدنظر رکھتے ہوئے اپنے مفادات کو بالاطاق رکھ کر سندھ کے قوم پرستوں کا اتحاد بنائیں سندھ نیشنل پارٹی سندھ کے وسیع مفاد میں ان کے پیچھے چلنے کو تیار ہے ۔
مزید اہم خبریں
-
ایرانی صدر سید ابراہیم رئیسی کی لاہور آمد، وزیر اعلیٰ مریم نواز شریف کا ایرانی صدر کا پرتپاک استقبال
-
پاکستان چھوڑنے والے غیرقانونی افغانیوں کی تعداد 5 لاکھ 42 ہزار سے متجاوز
-
متنازع ٹوئٹس کیس، اعظم سواتی حاضری لگا کر عدالت سے چلے گئے
-
آصفہ بھٹو ایرانی خاتون اوّل کے ساتھ مصروف رہیں
-
190 ملین پاؤنڈز ریفرنس،عمران خان، بشریٰ بی بی کیخلاف مزید 6 گواہوں کے بیان قلمبند
-
میرا خیال ہے دو تین سال اور گزرے تو نیب سے ہمیں پنشن لینا پڑے گی، شاہد خاقان عباسی
-
سوئیڈش کمپنیاں پاکستان آنے سے پہلے مجھ سے سیکیورٹی کا پوچھتی ہیں، سوئیڈش سفیر
-
چینی کی قیمت کی ڈبل سینچری ہو جانے کا امکان
-
بطور ڈاکٹر بشریٰ بی بی کے ٹیسٹ کو دیکھ کر سلوپوائزنگ سے انکار نہیں کرسکتا
-
وزیراعظم شہباز شریف کا 28 اپریل کو دورہ سعودی عرب متوقع
-
بیرسٹر گوہر کا بشریٰ بی بی کی دورانِ قید بگڑتی صحت پر تشویش کا اظہار
-
سپیکر قومی اسمبلی سے سعودی عرب کے سفیر کی ملاقات، پاک سعودی تعلقات کومزید وسعت دینے کے عزم کا اظہار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.