امریکہ نے جاپان کو شکست دیکر تیسری بار خواتین فٹبال ورلڈ کپ جیت لیا

پیر 6 جولائی 2015 12:09

وینکوور(اُردو پوائنٹ اخبار تازہ ترین۔ 06 جولائی۔2015ء)امریکہ نے دفاعی چیمپیئن جاپان کو 5 کے مقابلے میں 2 گول سے شکست دے کر تیسری مرتبہ خواتین فٹبال ورلڈ کپ کا ٹائٹل اپنے نام کر لیا۔وینکورو کے بی سی پیلس اسٹیڈیم میں کھیلے گئے خواتین فٹبال ورلڈ کپ کے فائنل میں امریکہ نے جاپان کو 2-5 سے شکست دی۔

(جاری ہے)

امریکہ کی جانب سے کارلی لائڈ خوارتین ورلڈ کپ کے فائنل میں ہیٹ ٹرک کرنے والی پہلی فٹبالر بن گئی انھوں نے پہلا گول میچ کے تیسرے منٹ میں کیا دوسرا گول پانچویں اور تیسرا گول 19 ویں منٹ میں کیا۔

امریکہ کی جانب سے لورین ہالیڈے اور ٹابن ہیتھ نے بھی ایک ایک گول کر کے اپنی ٹیم کی فتح میں اہم کردار ادا کیاجاپان کی جانب ایک گول یوکی اوگی نے کیا دوسرا گول امریکہ کی دفاعی کھلاڑی کی غلطی سے ہو گیا۔واضح رہے کہ 2011 کے فٹبال ورلڈ کپ میں جاپان نے امریکہ کو پنالٹی شوٹز پر شکست دے کر ٹاٹئل اپنے نام کیا تھا جب کہ اس سے قبل امریکہ کی خواتین ٹیم 1991 اور 1999 کا ورلڈ کپ بھی جیت چکی ہے۔

Facebook Twitter Google + Share on Whatsapp

امریکہ نے جاپان کو شکست دیکر تیسری بار خواتین فٹبال ورلڈ کپ جیت لیا

مزید کھیلوں کی خبریں