بالی ووڈ اداکار رنویر سنگھ 30 برس کے ہوگئے

پیر 6 جولائی 2015 15:43

ممبئی(اُردو پوائنٹ اخبار تازہ ترین۔ 06 جولائی۔2015ء) بالی ووڈ اداکار رنویر سنگھ 30 برس کے ہوگئے ۔6جولائی1985کوبھارتی ریاست مہارشٹرا کے شہر ممبئی میں پیدا ہونے والے رنویر سنگھ نے اپنے بالی ووڈ کیرئیر کاآغاز یش راج بینر کی رومینٹک کامیڈی فلم بینڈ باجا بارات سے کیا جس میں انکے مدِ مقابل انوشکا شرما نے مرکزی کردار ادا کیا۔بینڈ باجا بارات کی باکس آفس پر شاندار کامیابی سے راتوں رات شہرت کی بلندیوں پر پہنچنے والے رنویر نے اس فلم کے لیے ڈیبیو اداکار کے کئی ایوارڈزاپنے نام کیے۔

انوشکا کیساتھ ہی رنویر سنگھ کی دوسری فلم لیڈیز ورسز رکی بہل بھی باکس آفس پر اچھا بزنس کرنے میں کامیاب رہی اور ناقدین کی جانب سے اْن کی کارکردگی کو بیحد سراہا گیا۔گذشتہ سال رنویر سنگھ کی دو فلمیں لٹیرااور رام لیلا سینما گھروں کی زینت بنیں جس میں سے لٹیرا تو خاطر خواہ بزنس نہ کرسکی تاہم رنویر کی کارکردگی کو ناقدین کی جانب سے بیحد سراہا گیا جبکہ رام لیلا باکس آفس پر سپر ہٹ ثابت ہوئی۔

(جاری ہے)

رواں سال کے آغاز پررنویر کی پریانکا چوپڑا اور ارجن کپور کیساتھ ریلیز ہوئی فلم غنڈے بھی باکس آفس پر تہلکہ مچانے میں کامیاب رہی۔رنویر سنگھ کی گزشتہ برس ریلیز ہونے والی فلموں میں پری نیتی کیساتھ کل دل اور رواں برس پریانکا،فرحان اختر اور انوشکا شرما کیساتھ دل دھڑکانے دو شامل ہیں۔

Facebook Twitter Google + Share on Whatsapp

بالی ووڈ اداکار رنویر سنگھ 30 برس کے ہوگئے

مزید فن و فنکار کی خبریں