تحریک طالبان پاکستان کا سابق ترجمان شاہد اللہ شاہد افغانستان میں ڈرون حملے میں ہلاک
جمعرات 9 جولائی 2015 16:33
کابل(اُردو پوائنٹ اخبار تازہ ترین۔ 09 جولائی۔2015ء) افغان حکومت نے دعوی کیا ہے کہ کالعدم تنظیم تحریک طالبان پاکستان کا سابق ترجمان شاہد اللہ شاہد اوران کا ساتھی گل زمان ڈرون حملے میں ہلاک ہوگیا ہے ،ملکی و غیر ملکی میڈیا کے مطابق افغان انٹیلی جنس اداروں کی جانب سے جاری بیان میں کہا گیا ہے کہ گزشتہ رات افغانستان کے صوبہ ننگر ہار میں دہشت گردوں کی موجودگی پر ایک خفیہ اور دشوار علاقے میں امریکی ڈرون میزائل داغا گیا جس کے نتیجے میں55 دہشت گرد ہلاک ہوئے ،اس حملے میں کالعدم تنظیم تحریک طالبان کے سابق ترجمان اور اہم کمانڈر رہنما شاہد اللہ شاہداور اس کا قریبی ساتھی گل زمان بھی مارا گیا ہے،افغان انٹیلی جنس کے مطابق شاہد اللہ شاہد سے پاکستانی اور غیر ملکی کرنسی ،پاکستانی شناختی کارڈ اور پاسپورٹ بھی برآمد کیا گیا ہے۔
(جاری ہے)
دوسری جانب افغان طالبان امور کے ماہر رحیم اللہ یوسفزئی نے کہا ہے کہ شاہد اللہ شاہد کی ہلاکت کے بعد جاری مذاکرات پر منفی اثرات مرتب ہو سکتے ہیں ،ان کا کہنا تھا کہ طویل جدوجہد کے بعد افغان حکومت اور طالبان کو ایک میز پر اکٹھا کیا گیا ہے اور افغانستان میں امن و خوشحالی کیلئے دونوں اطراف سے مثبت پیغام بھی ملا ہے،انہوں نے کہا کہ گزشتہ روز پاکستان میں جاری مذاکرات میں دونوں فریقین نے ایک دوسرے پر حملے نہ کرنے پر اتفاق کیا گیا تھا تاہم طالبان رہنما شاہد اللہ شاہد کی ہلاکت کے بعد مذاکرات کو دھچکا لگ سکتا ہے۔
دفاعی تجزیہ کار میجر جنرل (ر) اطہر عباس نے کہا ہے کہ تحریک طالبان کے سابق ترجمان شاہداللہ شاہد کی ہلاکت ایک بڑی کامیابی ہے ،اس ہلاکت پر افغان حکومت اور طالبان کے درمیان جاری مذاکرات میں کوئی اثر نہیں پڑے گا،انہوں نے کہا کہ شاہد اللہ شاہد نے افغان فرار ہونے کے بعد داعش میں شمولیت اختیار کر لی تھی،افغان حکومت اور طالبان داعش کے خلاف ہیں،افغانستان کے کئی علاقوں میں طالبان اور داعش کے درمیان جھڑپیں ہوئیں جس سے افغان طالبان کوکافی جانی نقصان ہوا،انہوں نے کہا کہ بھارت داعش کی مالی معاونت کررہا ہے اور خطے میں داعش کو مختلف ممالک میں پھیلانے میں مدد کررہا ہے تاہم خطے کے تمام ممالک سمیت پاکستان اور افغان طالبان بھی داعش کے خلاف ہیں،افغانستان میں داعش کے اہم رہنما شاہداللہ شاہد کی ہلاکت ایک بڑی کامیابی ہےمزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.