قومی ہاکی ٹیم کی ناقص کارکردگی ، وزیراعظم کی ہدایت پر قائم کی گئی چھ رکنی کمیٹی کی تحقیقات مکمل

ہفتہ 11 جولائی 2015 14:31

لاہور(اُردو پوائنٹ اخبار تازہ ترین۔ 11 جولائی۔2015ء) وزیراعظم پاکستان اور قومی کھیل ہاکی کے چیف پیٹرن میاں نواز شریف کی ہدایت پرقومی ہاکی ٹیم کی ناقص کارکردگی کی تحقیقات کے لیے قائم کی گئی چھ رکنی کمیٹی نے کارروائی مکمل کر لی ہے۔ یہ کمیٹی ورلڈ ہاکی لیگ سیمی فائنلز میں قومی ٹیم کی شرمناک پرفارمنس کے بعد معاملے کی تحقیقات کیلئے وجود میں آئی تھی۔

اس سلسلے میں تحقیقاتی کمیٹی کا اجلاس گزشتہ روز سیکریٹری بین الصوبائی رابطہ اعجاز چوہدری کی زیر صدارت پاکستان سپورٹس بورڈ میں ہوا۔ یہ اجلاس کا دوسرا دن تھا جس میں کمیٹی نے کوچ شہناز شیخ کی رپورٹ اور دیگر بیانات کا تفصیلی جائزہ لیا اور ان کی روشنی میں اپنی سفارشات تیار کیں۔ ذرائع کے مطابق کپتان محمد عمران نے اپنے بیان میں مالی مسائل کے ساتھ ٹیم سلیکشن پر بھی تحفظات کا اظہار کیا ہے اور کچھ نا تجربہ کار کھلاڑیوں کے انتخاب کو بھی ٹیم کی ناقص کارکردگی کی بڑی وجہ قرار دیا ہے۔

(جاری ہے)

فیڈریشن کی جانب سے فنڈز کی کمی کو بھی ناقص کارکردگی کی وجہ قرار دیا گیا ہے، جس پر کمیٹی نے پی ایچ ایف سے بھی رپورٹ طلب کر لی ہے۔ یہ کمیٹی، کوچ اور فیڈریشن کی رپورٹ کو بطور سپورٹنگ ڈاکومنٹ اپنی سفارشات کا حصہ بنائے گی۔ کمیٹی اپنی سفارشات پر مبنی رپورٹ آج وزیراعظم کو پیش کر دے گی۔

Facebook Twitter Google + Share on Whatsapp

قومی ہاکی ٹیم کی ناقص کارکردگی ، وزیراعظم کی ہدایت پر قائم کی گئی چھ رکنی کمیٹی کی تحقیقات مکمل

مزید کھیلوں کی خبریں