عیدالفطر کی وجہ سے سکواش ٹیم کا تربیتی کیمپ ایک ہفتہ کیلئے مؤخر کر دیا گیا
پیر 13 جولائی 2015 13:19
اسلام آباد ۔ 13 جولائی (اُردو پوائنٹ اخبار تازہ ترین۔ 13 جولائی۔2015ء) پاکستان سکواش فیڈریشن نے ورلڈ جونیئر سکواش چیمپئن اور دیگر بین الاقوامی مقابلوں کی تیاری کیلئے اسلام آباد میں جاری قومی ٹیم کا تربیتی کیمپ عیدالفطر کی وجہ سے ایک ہفتہ کیلئے مؤخر کر دیا ہے۔ قومی ٹیم کو عیدالفطر کے بعد 22 جولائی کومصحف علی سکواش کمپلیکس اسلام آباد میں رپورٹ کرے گی جس کے بعد وہ ورلڈ جونیئر انفرادی سکواش چیمپئن میں شرکت کیلئے ہالینڈ روانہ ہو جائے گی۔
پاکستان سکواش فیڈریشن کے سیکرٹری گروپ کیپٹن عامر نوازکے مطابق تربیتی کیمپ میں دو سینئر اور 6 جونیئر کھلاڑی تربیت حاصل کررہے ہیں۔ سینئر کھلاڑیوں میں ناصر اقبال اور فرحان زمان جبکہ جونیئر کھلاڑیوں میں طیب حسن ‘ عاصم خان ‘ اسرار احمد ‘ عباس شوکت ‘ احسن ایاز اور ذیشان خان شامل ہیں۔(جاری ہے)
انہوں نے کہا کہ رمضان المبارک کی وجہ سے قومی کھلاڑی رات 11 سے 2 بجے تک مصحف علی سکواش کمپلیکس اسلام آباد میں تربیت حاصل کر رہے تھے تاہم فیڈرشن نے عیدالفطر کی چھٹیوں کی وجہ سے قومی کھلاڑیوں کا تربیتی کیمپ ایک ہفتہ کے لئے بند کردیا ہے۔
انہوں نے کہا کہ ورلڈ جونیئر انفرادی سکواش چیمپئن شپ عید الفطر کے فوراً بعد 25 سے 27 جولائی تک ہالینڈ میں کھیلی جائے گی جس میں پانچ قومی جونیئر کھلاڑی طیب اسلم ‘ عاصم خان ‘ اسرار احمد ‘ عباس شوکت اور احسن ایاز پاکستان کی نمائندگی کرینگے اور ایونٹ میں شرکت کے لئے قومی ٹیم 23 جولائی کو ہالینڈ روانہ ہوگی۔ انہوں نے کہا کہ ایونٹ کیلئے باصلاحیت ٹیم کا انتخاب کیا گیا ہے اور توقع رکھتے ہیں کہ چیمپئن شپ میں قومی ٹیم شاندار کارکردگی کا مظاہرہ کرکے کامیابی حاصل کرے گی۔انہوں نے کہا کہ چیمپئن شپ میں شرکت کے بعدقومی جونیئر کھلاڑی دوبارہ کیمپ کو جوائن کرینگے۔مزید کھیلوں کی خبریں
-
انگلش پریمیئر لیگ کے دلچسپ مقابلے جاری،27اپریل کو مزید 6 میچوں کا فیصلہ ہوگا
-
صائم ایوب کو بطور ٹی ٹونٹی اوپنر کھلانا میری نظر میں مسئلے کا حل تھا : محمد حفیظ
-
محمد حفیظ نے غیرملکی کوچز کی تقرری پر سوال اٹھا دیئے
-
اہم کھلاڑی نہیں کھیلتے تو فرق پڑتا ہے، فخر زمان
-
بے سہارا بچوں نے بھی اسٹیڈیم میں پاک نیوزی لینڈ چوتھا ٹی ٹوئنٹی میچ دیکھا، محسن نقوی سے ملاقات
-
بابر اعظم اور محمد رضوان اچھے کھلاڑی ہیں ،پوری ٹیم نہیں، محمد حفیظ
-
ارشد ندیم جنوبی افریقا میں سخت ٹریننگ کے مرحلے میں داخل
-
ایوریج ٹیم کیخلاف شکست، رمیز راجا نے تبدیلوں کو ’’نام نہاد تجربہ‘‘ قرار دیدیا
-
وقار یونس نے ٹی ٹونٹی ورلڈ کپ کے لیے اپنی پاکستانی سکواڈ کا اعلان کر دیا
-
قطر جونیئر سکواش ، پاکستان نے دو چاندی کے تمغے اپنے نام کر لیے
-
کھلاڑی کو بغیر بتائے پوزیشن تبدیل کرنے سے فرق پڑتا ہے : فخر زمان
-
بابر اعظم نے نیوزی لینڈ سے شکست کا ذمہ دار بیٹرز کو قرار دیدیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.