عمران خان کی اہلیہ ریحام خا ن بھی ڈگری اسکینڈل کا شکار، برطانوی اخبار نے سوال اٹھا دیا۔

سمیرا فقیرحسین بدھ 15 جولائی 2015 10:49

برطانیہ(اردو پوائنٹ تازہ ترین اخبار. 15 جولائی 2015 ء) : پی ٹی آئی سر براہ عمران خان کی اہلیہ ریحام خان بھی ڈگری سکینڈل سے دو چار ہو گئی ہیں. تفصیلات کے مطابق برطانوی اخبار نے عمران خان کی اہلیہ ریحام خان کی تعلیمی ڈگری پر سوال اٹھا دیا ہے۔نارتھ لنزے کالج کے حوالے سے برطانوی اخبار کا کہنا ہے کہ ادارہ براڈکاسٹ جرنلزم میں کوئی کورس آفر ہی نہیں کرتا ۔

(جاری ہے)

کالج کا کہنا ہے کہ ان کے یہاں ریحام خان کے نام سے کوئی طالبہ بھی نہیں ررہیں۔برطانوی ادارے بی بی سے منسلک رہنے والی ریحام خان نے لنکن شائر کی نارتھ لنزے کالج سے براڈ کاسٹ جرنلزم میں کورس کا دعویٰ کیا تھا ۔وہ پاکستان کے مختلف چینلز پر سیاسی و سماجی موضوعات پر ٹاک شوز بھی کرتی رہی ہیں ۔ تاہم ریحام خان کی ڈگری کے حوالے سے خبر اسی صحافی نے بریک کی ہے جس نے اس سے قبل عمران خان سے ریحام خان کی شادی سے متعلق خبرنشر کی تھی جو کہ بعد ازاں درست ثابت ہوئی.