الطاف حسین کے خلاف جھوٹی اور بے بنیاد ایف آئی آرز کے اندراج پر زونل انچارج نوید قائم خانی و اراکین زونل کمیٹی کا اظہار تشویش
بدھ 15 جولائی 2015 18:36
ٹنڈو الہ یار(اُردو پوائنٹ اخبار تازہ ترین۔ 15 جولائی۔2015ء) متحدہ قومی موومنٹ ٹنڈو الہ یار زون کے زونل انچارج نوید قائم خانی و اراکین زونل کمیٹی نے ملک کے مختلف شہروں میں ایم کیو ایم کے قائد الطاف حسین کے خلاف جھوٹی اور بے بنیاد ایف آئی آرز کے اندراج پر اپنی شدید تشویش کا اظہار کیا ہے ۔ اپنے ایک مشترکہ بیان میں انہوں نے مزید کہا ہے کہ قائد تحریک الطاف حسین کے فکر و فلسفے سے خوفزدہ حکمران اور اسٹیبلشمنٹ منفی ہتھکنڈوں کے ذریعے کروڑوں حق پرست عوام کو ایم کیوایم سے دور کرنے کی سازشیں کر رہے ہیں۔
وفاقی حکومت ایم کیوایم فوبیا کا شکار ہو چکی ہے ۔ انہوں نے کہا کہ وفاقی حکومت کی بے بسی کا اس سے بڑا ثبوت کیا ہو گا کہ وہ ایم کیوایم کے قائد کے خلاف ایف آئی آرز کالعدم تنظیموں کے عہدیداران کی مدعیت میں درج کروا رہی ہے ۔(جاری ہے)
آئین ، قانون اور جمہوریت کی اس درجہ تذلیل شاید ہی کسی جمہوری حکومت کے دور حکومت میں ہوئی ہو گی۔انہوں نے کہا کہ کراچی میں ایم کیوایم کے شہید ہونے والے 200کارکنان کے قاتلوں کی گرفتاری کے بجائے حکومت قائد تحریک الطاف حسین کے خلاف زیادہ سے زیادہ ایف آئی آرز درج کروانے کی آرزومند ہے ۔
جس سے ثابت ہوتا ہے کہ حکومت کی نظروں میں انسانی جانوں کی کوئی حیثیت نہیں ہے ۔ انہوں نے کہا کہ قائد تحریک الطاف حسین کروڑوں حق پرست عوام کے متفقہ قائد ہیں۔ اس قسم کی جھوٹی ایف آئی آرزکے اندراج کے ذریعے عوام کے دلوں سے قائد تحریک الطاف حسین کی محبت کو ختم نہیں کیا جاسکتا ہے۔ انہوں نے کہا کہ انصاف کی حکمرانی کے دعویٰ کرنے والے امتیازی انصاف کے ذریعے جو طریقہ ء حکمرانی رائج کر رہے ہیں۔ اس کے بدترین نتائج کا ایک نہ ایک دن انہیں بھی سامنا کرنا پڑے گا ۔اور اس دن جمہوریت اور آئین کی دہائیاں دینے سے کچھ حاصل نہیں ہوگا۔متعلقہ عنوان :
مزید قومی خبریں
-
ٹرین میں تاریں کاٹ کر تانبہ چوری کرنے والا شخص پکڑا گیا
-
مسلم لیگ (ن) کا دفتر جلانے کا کیس، یاسمین راشد ، اعجاز چودھری ، صنم جاویدو دیگر فرد جرم کیلئے طلب
-
بانی پی ٹی آئی نے خواتین کی گرفتاریوں پر تشویش کا اظہار کیا،شیر افضل مروت
-
فیصل آباد، مبینہ پولیس مقابلہ کے دوران گولی لگنے سے ایک ڈاکو زخمی حالت میں گرفتار
-
وزیراعلی پنجاب مریم نوازشریف کی زیر صدارت پولیس ٹریننگ کالج چوہنگ کمیٹی روم میں اجلاس کا انعقاد
-
جھگڑے میں گاڑی بھگانے کے دوران پولیس اہلکارکو گاڑی ٹکر لگنے کے مقدمہ میں گرفتارخاتون کو 14روزہ جوڈیشل ریمانڈ جیل بھیجنے کا حکم
-
فیصل آباد، سرکاری آٹا کی سپلائی کے دوران بے ضابطگیوں پر11 فلورملزکے لائسنس منسوخ
-
وزیراعلیٰ مریم نوازکا عزیز بھٹی شہید ہسپتال کی چھت گرنے کے معاملہ پرسخت ایکشن،ایم ایس برطرف، تین افسرمعطل
-
نیپرا نے کے الیکٹرک کے 7 سالہ سرمایہ کاری کے روڈ میپ پر فیصلہ دے دیا
-
چیئرمین سینیٹ نے ایوان بالا کے 337 ویں اجلاس کے لئے پینل آف پریذائیڈنگ آفیسرز کے ناموں کا اعلان کر دیا
-
چیف جسٹس کوکراچی کے لذیذ کھانوں اورکچوریوں کی یاد آ گئی
-
سپریم کورٹ کا نسلہ ٹاور کی زمین فروخت کرکے الاٹیز کو معاوضہ ادا کرنے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.