مالی حالات سے دلبرداشتہ پاکستانی باکسر محمد وسیم کا ایشین باکسنگ چیمپئن شپ میں حصہ نہ لینے کا فیصلہ
بدھ 15 جولائی 2015 21:06
کوئٹہ(اُردو پوائنٹ اخبار تازہ ترین۔ 15 جولائی۔2015ء) پاکستان کے سب سے تجربہ کار باکسر محمد وسیم نے ٹریننگ سہولتوں کی عدم دستیابی کے سبب ایشیئن باکسنگ چیمپئن شپ میں حصہ نہ لینے کا فیصلہ کیا ہے۔ایشین باکسنگ چیمپئن شپ آئندہ ماہ بینکاک میں ہو رہی ہے جسے ورلڈ باکسنگ چیمپئن شپ کے کوالیفائنگ راوٴنڈ کا درجہ بھی حاصل ہے۔محمد وسیم نے اپنے ایک انٹرویو میں کہا کہ بین الاقوامی مقابلے کے لیے ٹریننگ کی جو سہولتیں درکار ہوتی ہیں وہ انہیں نہیں مل سکی ہیں لہذٰا ایشیئن چیمپئن شپ میں ان کی شرکت کا کوئی فائدہ نہیں جہاں تمام باکسرز کئی کئی ماہ کی سخت ٹریننگ کے بعد شرکت کریں گے۔
محمد وسیم کے مطابق انہیں بتایا گیا کہ کراچی میں شدید گرمی کی وجہ سے تربیتی کیمپ روک دیا گیا ہے۔(جاری ہے)
اب ایشیئن ایونٹ کی تیاری کے لیے بالکل وقت نہیں بچا ہے اور انہیں یقین ہے کہ اس صورتحال میں پاکستان کا کوئی بھی باکسر ورلڈ چیمپئن شپ کے لیے کوالیفائی نہیں کر سکے گا۔محمد وسیم نے گذشتہ سال کامن ویلتھ گیمز میں چاندی کا تمغہ حاصل کیا تھا جبکہ گذشتہ سال ہی ایشیئن گیمز میں وہ کانسی کا تمغہ جیتنے میں کامیاب ہوئے تھے لیکن اس کے بعد سے انہیں کسی بھی بین الاقوامی مقابلے میں حصہ لینے کا موقع نہیں مل سکا ہے۔
انہوں نے کہا کہ گذشتہ سال ایشیئن گیمز کے بعد سے وہ کسی بھی انٹرنیشنل ایونٹ میں حصہ نہیں لے سکے ہیں جس کی وجہ سے ان کی عالمی رینکنگ بھی بری طرح متاثر ہوئی ہے اور اب وہ تیسرے سے 13ویں نمبر پر آگئے ہیں۔محمد وسیم نے کہا کہ گذشتہ سال کامن ویلتھ گیمز اور ایشین گیمز میں بھی انہیں ٹریننگ کی سہولتیں نہیں مل سکی تھیں اور انہوں نے اپنے ذاتی کوچ کے ساتھ ٹریننگ کی تھی۔محمد وسیم نے کہا کہ 2012 میں انہیں ورلڈ باکسنگ سیریز میں حصہ لینے کی دعوت ملی تھی جس میں شرکت کی صورت میں ان کا لندن اولمپکس میں کوالیفائی کرنا یقینی تھا لیکن اس وقت کی فیڈریشن کے ایک اعلیٰ عہدیدار نے مبینہ طور پر ان کا دعوت نامہ اور ضروری کاغذات غائب کر دیے تھے۔محمد وسیم نے کہا کہ موجودہ صورتحال میں ان کے پاس اس کے سوا اور کوئی دوسرا راستہ نہیں ہے کہ وہ پروفیشنل باکسنگ میں شمولیت اختیار کر لیں۔متعلقہ عنوان :
مزید کھیلوں کی خبریں
-
انٹرنیشنل کرکٹ میں شکست کو سرپرائز نہیں کہہ سکتے، شاداب خان
-
ٹی 20 سیریز:پاکستان اور ویسٹ انڈیز کی ٹیمیں جمعہ کومدمقابل ہوں گی
-
پاکستان ماسٹرٹین پن بالنگ چیمپئن شپ 27 اپریل سے راولپنڈی میں شروع ہوگا
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آٹ مرحلے میں پہنچ گئے
-
چیمپئیزٹرافی 2025 ؛ بھارتی میڈیا پاکستان مخالف مخالف مہم چلانے میں سرگرم
-
اعظم خان اور محمد رضوان کے بعد ایک اور پاکستانی کھلاڑی زخمی ہو گیا
-
کیٹرینا سینیاکووا میڈرڈ اوپن ٹینس ویمنز سنگلز کےابتدائی رائونڈ میں ہار کر باہر ہوگئیں
-
پاکستان ماسٹرٹین پن باؤلنگ چیمپئن شپ 27 اپریل سے راولپنڈی میں شروع ہوگی
-
دوپاکستانی بھائی قطر انٹرنیشنل جونیئر اسکواش چیمپئن شپ کے ناک آؤٹ مرحلے میں پہنچ گئے
-
پاکستان اورنیوزی لینڈ کی کرکٹ ٹیموں کے درمیان چوتھا ٹی20 میچ (کل) قذافی سٹیڈیم لاہورمیں کھیلا جائے گا
-
پاکستان اور ویسٹ انڈیز کی کرکٹ ویمن ٹیموں کے درمیان پانچ ٹی ٹونٹی میچو کی سیریز کا آغاز 26 اپریل کو ہوگا
-
کیا عماد وسیم چوتھا ٹی ٹونٹی انٹرنیشنل کھیلیں گے؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.