اسلام آباد: شوال کا چاند، پاکستان میں رویت ہلال کمیٹی کا اجلاس آج ہوگا

سمیرا فقیرحسین جمعہ 17 جولائی 2015 10:46

اسلام آباد (اردو پوائنٹ تازہ ترین اخبار. 17 جولائی 2015 ء) : شوال کا چاند دیکھنے کےلیے مرکزی رویت ہلال کمیٹی کا اجلاس آج اسلام آباد میں ہو گا۔ محکمہ موسمیات کے مطابق آج چاند نظر آنے کے امکانات ہیں۔ مرکزی رویت ہلال کمیٹی اجلاس کی صدارت چئیرمین رویت ہلال کمیٹی مفتی منیب الرحمان کریں گے۔

(جاری ہے)

محکمہ موسمیات کا کہنا ہے کہ نیاچاند جمعرات کی شام 6 بجکر 24 منٹ پر پیدا ہوگیا ہے اور آج غروب آفتاب کے وقت بیش تر علاقوں میں چاند کی عمر 24 گھنٹے سے زائد ہوگی۔

بیشتر شہروں میں مطلع صاف یا جزوی ابر آلود رہنے کی توقع ہے،اس لیے چاند نظر آنے کے خاصے امکانات ہیں۔

دوسری جانب محکمہ موسمیات اورسپارکوکی وزارت مذہبی امور کو16اور17جولائی کی ارسال کردہ موسمیاتی رپورٹ میں واضح کیاگیاہے کہ صوبہ خیبر پختونخوااوراسلام آباد سمیت ملک کے کسی بھی حصے میں عیدالفطرکاچاندنظرآنے کا قطعاً امکان نہیں کیونکہ جمعرات کوچاندسورج سے پہلے غروب ہو جائے گا۔