2017ء تک لوڈشیڈنگ سمیت بڑے بڑے مسائل حل ہو جائیں گے، حمزہ شہباز
تبدیلی کی باتیں مسترد ہو چکیں ،رینجرز کے آپریشن سے کراچی کی رونقیں بحال ہو رہی ہیں، عوامی ترقی کا سفر جاری رکھیں گے‘کامونکی میں کارنر میٹنگ سے خطاب
بدھ 22 جولائی 2015 19:33
لاہور(اُردو پوائنٹ اخبار تازہ ترین۔ 22 جولائی۔2015ء ) پاکستان مسلم لیگ (ن) کے مرکزی رہنما اور ممبر قومی اسمبلی حمزہ شہباز نے کہا ہے کہ موجودہ حکومت درست حکمت عملی کے ساتھ آگے بڑھ رہی ہے ، انشاء اللہ قومی قیادت کے سچے جذبوں اور نیک ارادوں کے ساتھ 2017 ء تک لوڈ شیڈنگ سمیت بڑے بڑے مسائل حل ہو جائیں گے ، چین کے ساتھ 40 ار ب ڈالر کی سرمایہ کاری ملک میں انقلابی ترقی لائے گی ، زبانی جمع خرچ تک محدود تبدیلی کی باتیں مسترد ہو چکیں اور دن بدن پاکستان مسلم لیگ (ن) کی کارکردگی کے باعث عوامی تائید و حمایت میں اضافہ ہو رہا ہے جس کی واضح مثال ملتان ، ننکانہ صاحب اور منڈی بہاؤالدین کے ضمنی انتخابات میں اس جماعت کے ووٹوں میں اضافہ اور بھرپور کامیابی ہے ، انشاء اللہ 26 جولائی کو پی پی 100 کامونکی میں بھی مسلم لیگ(ن) کے امید وار چوہدری اختر علی خان بھاری اکثریت سے کامیاب ہو ں گے - حمزہ شہباز اپنے دورہ کامونکی میں ضمنی انتخاب کے حوالے سے منعقدہ کارنر میٹنگ سے خطاب کر رہے تھے-جہاں وزیر مملکت عثمان ابراہیم، ممبران قومی اسمبلی محمود بشیرورک، جسٹس (ر) افتخار چیمہ ، شازیہ اشفاق ، رانا محمد نذیر اور ممبران صوبائی اسمبلی منشاء اللہ بٹ، چوہدری اقبال گجر، توفیق بٹ، حاجی عبدالرؤف مغل، عمران خالد بٹ، پیر غلام فرید ، شوکت منظور چیمہ ، اکمل سیف چٹھ اور محمد وسیم کے علاوہ ضلعی صدر مسلم لیگ مبشر اقبال گوندل اور پارٹی کارکنوں کی بڑی تعداد نے ان کا والہانہ استقبال کیا اور دیر تک نعرے بازی کرتے رہے - جبکہ خواتین کی بڑی تعداد بھی اس موقع پر موجود تھی-اپنے خطاب میں حمزہ شہباز نے کہا کہ افواج پاکستان جرات اور بہادری کے ساتھ دہشت گردی کے خلاف نبردآزما ہے جس کے مثبت نتائج ساری قوم کے لئے اطمینان کا باعث ہیں - اسی طرح کراچی میں امن و امان کے قیام کے لئے رینجرز کا آپریشن سیاسی مقاصد سے بالا تر ہو کر وسیع تر قومی مفاد کے لئے کیا جا رہا ہے جس سے اس سب سے بڑے اقتصادی شہر کی رونقیں بحال ہو رہی ہیں - حمزہ شہباز نے کہا کہ ترقی اور خوشحالی کا سفر جاری رہے گا اور ملک کو صحیح معنوں میں ترقی کی راہ پر گامزن کریں گے - انہوں نے کہا کہ سیلاب سے نمٹنے کے لئے تمام اقدامات کئے گئے ہیں - انتظامیہ پوری طرح چوکس ہے اور لوگوں کو محفوظ مقامات پر منتقل کیا جا رہا ہے- حمزہ شہباز نے کامونکی کی پارٹی تنظیم کی طرف سے اس قدر شاندار استقبال پر شکریہ ادا کرتے ہوئے کہا کہ 26 جولائی کو شیر ہر طرف دھاڑے گا اور انشاء اللہ کامیابی مسلم لیگ (ن) کے قدم چومے گی-
متعلقہ عنوان :
مزید قومی خبریں
-
وزیرصحت خواجہ سلمان رفیق کا آپریشن تھیٹرز پر جاری پیش رفت کا جائزہ لینے کیلئے پی آئی سی کا دورہ
-
انٹرنیٹ بندش کا اتنا نقصان نہیں ہوتا مگر واویلا مچا دیا جاتا ہے‘ وزیرمملکت شیزا فاطمہ خواجہ
-
صوبائی وزیر صحت خواجہ سلمان رفیق سے نیشنل سنٹر فار ہیلتھ کیئر ورکرز امریکہ کے وفد کی ملاقات
-
انتظامیہ اور پی پی کے سرکاری ملازمین عدالتوں کو مس گائیڈ کررہے ہیں،حلیم عادل شیخ
-
صوبائی وزیر صحت خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
لانڈھی خودکش حملہ آوروں سے کیا اسلحہ ملا بم ڈسپوزل اسکواڈ کی رپورٹ آ گئی
-
کراچی، لانڈھی خود کش حملہ، 2 ویڈیوز منظرِ عام پر آ گئیں
-
بلاول بھٹو زرداری کی کراچی میں غیرملکیوں کی گاڑی پر دہشتگردانہ حملے کی شدید مذمت
-
لاہور ہائیکورٹ نے پولیس کو چوہدری پرویز الہی کے حامیوں کو ہراساں کرنے سے روک دیا
-
صدرمملکت آصف علی زرداری سے بینکنگ محتسب پاکستان سراج الدین عزیز کی ملاقات، ادارے کی سالانہ رپورٹ پیش کی
-
موسمی صورتحال کے پیش نظر ملکی غیر ملکی فضائی آپریشن متاثر ، مسافروں کا تحفظ ہماری ترجیح ہے، ترجمان پی آئی اے
-
اسپیکر نے معطل ارکان کی رکنیت بحال کرنے کی یقین دہانی کروائی ہے، شیرافضل مروت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.