ٹیکسوں سے بچاؤ، سکیورٹی اور بچوں کی تعلیم جیسی وجوہات کے سبب 61 ہزار بھارتی کروڑ پتی دوسرے ممالک کو ہجرت کر گئے

21ویں صدی کے آغاز سے ہی دوہری شہریت کیلئے درخواستوں اور جگہ تبدیل کرنے جیسے معاملات میں تیزی آئی

منگل 28 جولائی 2015 17:54

ٹیکسوں سے بچاؤ، سکیورٹی اور بچوں کی تعلیم جیسی وجوہات کے سبب 61 ہزار ..

نئی دہلی (اُردو پوائنٹ اخبار تازہ ترین۔ 28 جولائی۔2015ء) 14 برسوں میں ٹیکسوں سے بچاؤ، سکیورٹی اور بچوں کی تعلیم جیسی وجوہات کے سبب 61 ہزار بھارتی کروڑ پتی دوسرے ممالک کو ہجرت کر گئے ہیں۔نیو ورلڈ ویلتھ‘ اور ایل آئی اوگلوبل کی طرف سے مشترکہ طور پر جاری کی گئی رپورٹ میں کہا گیا کہ 21ویں صدی کے آغاز سے ہی دوہری شہریت کے لیے درخواستوں اور جگہ تبدیل کرنے جیسے معاملات میں تیزی آئی ہے۔

رپورٹ کے مطابق 2000 سے 2014 کے درمیان تقریباً 61 ہزار امیر بھارتی دیگر ممالک میں جا کر بس گئے ہیں رپورٹ میں کہا گیا کہ ان امیروں نے بھارت میں ٹیکس سے بچنے اور سکیورٹی کے خدشات کے سبب اپنا ملک چھوڑا ہے اس کے علاوہ باہر بسنے کی ایک اور اہم وجہ اپنے بچوں کو بہتر تعلیم کے مواقع فراہم کرنا بھی بتائی گئی ۔

(جاری ہے)

امرا کی بیرون ملک ہجرت کی اس فہرست میں دیگر ممالک بھی شامل ہیں۔

اس مدت میں بیرون ملک بسنے والے کروڑپتوں کی فہرست میں چینی شہری اؤل نمبر پر ہیں اور چین کے تقریباً 91 ہزار لوگ دوسرے ممالک میں جا کے بسے ہیں۔تیسرے نمبر پر فرانس کے 42 ہزار لوگ، اٹلی کے 23 ہزار اور روس کے 20 ہزار امیر شہری دوسرے ملکوں کو ہجرت کر گئے۔رپورٹ کے مطابق زیادہ تر بھارتی امیر متحدہ عرب امارات، برطانیہ، امریکہ، سنگاپور اور آسٹریلیا کا رخ کرتے ہیں وہیں چین کے کروڑ پتیوں کی منزل امریکہ، ہانگ کانگ، سنگاپور اور برطانیہ رہی۔

رپورٹ کے مطابق برطانیہ میں باہر سے آنے والے ایسے امیر لوگوں کی تعداد گزشتہ 14 برسوں میں تقریباً سوا لاکھ تک پہنچ گئی ہے ایسے تقریباً 52 ہزار امیر ترین لوگ امریکہ میں جا کر بسے جبکہ ہجرت کرنے والے کروڑ پتیوں کی تیسری پسندیدہ جگہ سنگاپور ہے جہاں تقریباً 46 ہزار لوگ آباد ہوئے۔

متعلقہ عنوان :