آدم خور دادی، 11 افراد کو قتل کر کے کھا گئی
فیضان ہاشمی جمعرات 6 اگست 2015 13:31
روس(اُردو پوائنٹ اخبار تازہ ترین۔6اگست2015ء) روسی پولیس کے مطابق ایک قاتل دادی ، جسے گرینی ریپر بھی کہا جا رہا ہے، نے اپنی ڈائری میں 11 افراد کے قتل اور کھانے کا اعتراف کیا ہے۔ تمارا سامسونووا کی عمر 68 سال ہے۔ اس نے پچھلی دودہائیوں کے دوران 11 افراد کو قتل کر کےکھایا۔ریٹائرڈ تمارا نے ان وارداتوں کی ساری تفصیلات اپنی خفیہ ڈائری میں لکھ کر اپنی روسی، انگریزی، جرمن، کالے جادو اور فلکیات کی کتابوں کے ساتھ رکھی ہوئی تھی۔
تمارا اپنے آخری شکار کی باقیات کو پلاسٹک بیگ میں ڈال کر ٹھکانے لگا رہی تھی کہ سی سی ٹی وی کیمروں نے اس کی فلم بنا لی۔ اس کے بعد سینٹ پیٹرزبرگ سے اسے گرفتار کر لیا گیا۔تفتیشی افسران کو شک ہے کہ سابقہ ہوٹل ملازمہ تمارا اپنے شکار کے جسم کے کئی حصوں کو بھی کھا جاتی ہے۔(جاری ہے)
تمارا نے اپنی آخری شکار 79 سالہ ویلنٹینا الانووا کو نیند کی دوا کی کافی زیادہ مقدار دےدی تھی، اس کے بعد ویلنٹینا زندہ ہی تھی کہ اسے دھات کاٹنے والی آری سے کاٹنا شروع کر دیا۔
تمارا ، ویلنٹینا کا خیال رکھنے کےلیے اس کی ملازمہ کے طور پر کام کر رہی تھی۔ پولیس کو جب ویلنٹینا کی سربریدہ لاش سینٹ پیٹرزبرگ کے دیمیترووا سٹریٹ کے پاس تالاب کے قریب سے ملی تو تمارا کو بھی پوچھ گچھ کے لیے بلا لیا۔تمارا نے پولیس کو بتایا کہ اس کا ویلنٹینا کے ساتھ کپ دھونے پر جھگڑا ہوا تھا، جس کی وجہ سے اسے قتل کر دیا ۔ پولیس کو شک ہے کہ تمارا نے اپنے شوہر کو بھی قتل کر دیا تھا۔ تمارا نے پولیس میں 2005 میں رپورٹ کی تھی کہ اس کا شوہر لاپتہ ہے اور اس کے زندہ یا مردہ ہونے کا اب تک کوئی پتہ نہیں چلا۔ تمارا نے اپنی ڈائری میں اپنے سابقہ کرایہ دار کے قتل کا قصہ بھی بڑے مزاحیہ انداز میں تحریر کیا ہے۔ تمارا کو جب گرفتار کیا گیا تواس نے صحافیوں سے کہا کہ مجھے معلوم تھا آپ لوگ آؤ گے، سارے شہر کو میرے بارے میں معلوم ہو گیا۔ یہ میرے لیے کافی بے عزتی کی بات ہے۔تمارا نے کہا کہ میں عدالتی کاروائی کے کتنے سالوں سے تیار ہوں۔ میں نے یہ سب جان بوجھ کر کیا ہے۔اب جینے کاکوئی راستہ نہیں۔ اپنے آخری قتل کے ساتھ میں نے یہ باب بند کر دیا ہے۔ جج نے تمارا کو کہا کہ میں تمہیں گرفتار کرنے کا کہہ رہاہوں، تمہارا کیا خیال ہے؟ تمارا نے جواب دیا کہ یہ آپ کا فیصلہ ہے یوررآنر، آخر کار میں مجرم ہو اور سزا کے لائق بھی ہوں۔ جب جج نے تمارا کو گرفتار کرنے کا حکم دیا تو تمارا مسکرانے لگی اور دونوں ہاتھوں سے تالیاں بجانے لگی۔ پولیس ذرائع کا کہنا ہے کہ اگرچہ وہ اپنے آخری قتل کا اعتراف کر چکی ہے مگر پھر بھی پولیس والے اسے یہ بتانے کے لیے مجبور نہیں کر سکتے کہ اُس نے لاش کا سر کہاں چھپایا ہے؟ پولیس کو اس کے فلیٹ کی تلاشی کے بعد ایک آری، چاقو اور باتھ روم میں خون کے نشان بھی ملے ہیں۔ تفتیشی افسران کا کہنا ہے کہ تمارا بہت زیادہ احمق ہے یا اس سے زیادہ چالاک جتنی وہ نظر آتی ہے۔متعلقہ عنوان :
مزید عجیب و غریب خبریں
-
ہتھیائی رقم ہڑپ کرنے کیلئے اپنے اغواء اور قتل کا ڈرامہ رچانے والا شخص پکڑا گیا
-
ویتنام،مریض کے پیٹ سے زندہ مچھلی برآمد
-
امریکہ، چوہوں کا پولیس ہیڈ کوارٹر پردھاوا، بھنگ کھانے کے عادی ہوگئے
-
آسٹریلیا، گالف گیم کے دوران کینگروز کے بڑے جھنڈ نے دھاوا بول دیا
-
جرمن باشندے نے کورونا ویکسین 217 بارلی
-
ایلون مسک پیچھے رہ گئے‘ ایمازون کے بانی جیف بیزوز دنیا کے امیر ترین شخص قرار
-
کھلونا گاڑی کی تیز رفتاری کا عالمی ریکارڈ قائم
-
وصیت کے مطابق تدفین سے قبل پروفیسر کی لاش کا اردن یونیورسٹی کا طواف
-
دبئی ایئرپورٹ پر کاسمیٹک سرجری والے مسافروں کو روکا جانے لگا
-
دنیا کے سب سے بڑے ڈینٹل ہسپتال کا ورلڈ ریکارڈ سعودی عرب کے نام
-
سعودی عرب میں بنی جدید ترین سکیورٹی کار نمائش کیلئے پیش
-
ہالی ووڈ لیجنڈ رابرٹ ڈی نیرو کے 80 سال کی عمر میں باپ بننے کی تصدیق
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.