دنیا کی صف اول کی غوطہ خور مولشا نووا زندہ سمندر سے باہر نہ آسکیں

جمعہ 7 اگست 2015 12:48

میڈرڈ ( اُردو پوائنٹ اخبار تازہ ترین۔07اگست۔2015ء ) صف اول کی غوطہ خور نطالیہ مولشانووا جنہیں تاریخ کا سب سے بڑا فری ڈائیور سمجھا جاتا ہے انھوں نے سمندر میں ایسی چھلانگ لگائی کہ واپس ہی نہ آ سکیں۔اتوار کو اسپین کے جزیرے فورمنیترا کے ساحل پر چارٹرڈ کشتی سے ڈیڑھ ملی میٹر چوڑے سوٹ میں ایسی ڈائیو لگانے کودیں کہ پھر زندہ باہر نہ آسکیں، حالانکہ آسمان صاف تھا، خوشگوار ہوا چل رہی تھی اور اس غرض سے کہ انھیں سمندر کی تہہ میں غوطہ لگانے میں مدد مل سکے۔

(جاری ہے)

انھوں نے گردن میں ایک دو پونڈ کا وزن بھی لٹکا رکھا تھا۔ چھلانگ لگانے سے پہلے انھوں نے گہری سانسیں بھی لیں جو بدقسمتی سے ان کی زندگی کی آخری سانسیں ثابت ہوئیں۔گلوبل فری ڈائیونگ فیڈریشن کے صدر کیمو لیتھینن نے کہا کہ 53 سالہ مولشانووا اس عمر میں بھی فری ڈائیونگ سپر اسٹار تھیں اور ہم سمجھتے تھے کہ کوئی چیز بھی کبھی نقصان نہیں پہنچاسکتی، مگر کیا کریں ہم سمندروں سے کھیلتے ہیں اور جب آپ سمندر سے اٹھکیلیاں کرتے ہیں تو کبھی نہ کبھی سمندر مقابلے پر اتر آتا ہے، یہ بتانے کے لیے دونوں میں سے کون طاقتور ہے۔

Facebook Twitter Google + Share on Whatsapp

دنیا کی صف اول کی غوطہ خور مولشا نووا زندہ سمندر سے باہر نہ آسکیں

متعلقہ عنوان :

مزید بین الاقوامی خبریں