دریائے سندھ کے سیلابی ریلے نے سندھ میں تباہی مچادی

منگل 11 اگست 2015 11:56

دریائے سندھ کے سیلابی ریلے نے سندھ میں تباہی مچادی

دادو(اُردو پوائنٹ اخبار تازہ ترین۔ 11 اگست۔2015ء ) دریائے سندھ کا سیلابی ریلا تباہی کی نئی داستانیں رقم کرتا ہوا آگے بڑھنے لگا۔دادو ،خیرپور اور کشمور کے سیکڑوں دیہات سیلاب سے تباہ ہوگئے۔پنجاب کے سیلاب سے متاثرہ علاقوں میں اب بھی سیلابی پانی موجود ہیں۔خیرپور کے کچے کے علاقوں سے سات لاکھ کیوسک کا ریلا گزر رہا ہے جس سے کچے کے علاقے میں کاشت کی گئی فصلیں زیرآب آگئیں جبکہ سیلاب سے دو سو سے زائد دیہات بْری طرح متاثرہوئے ہیں۔

(جاری ہے)

گڈو بیراج کے مقام پر پانی کی سطح میں چوبیس گھنٹوں کے دوران 35 ہزار کیوسک کمی آئی ۔پانی کی آمد 6 لاکھ 59 ہزار 253 اور اخراج 6 لاکھ 36 ہزار 518 کیوسک ریکارڈ کیا گیا۔کشمور،شکارپور،لکی غلام شاہ کے تمام کچے کے علاقے پانی میں گھرے ہوئے ہیں۔ راجن پور، ڈیرہ غازی خان ، لیہ اور میانوالی میں سیلاب متاثرہ علاقوں میں اب بھی پانی موجود ہے جس کی وجہ سے لوگ گھروں کو واپس نہیں جاسکتے جبکہ خیمہ بستیوں میں مقیم متاثرین عدم توجہ کی شکایت کرتے نظر آتے ہیں۔

متعلقہ عنوان :