سابق کپتان اوپننگ بلے باز رمیز راجہ نے زندگی کی 53 بہاریں دیکھ لیں

جمعہ 14 اگست 2015 11:21

لاہور (اردو پوائنٹ تازہ ترین اخبار14اگست۔2015ء) پاکستان کے سابق سٹار بلے باز رمیز راجہ نے زندگی کی 53 بہاریں دیکھ لیں ۔ عظیم بلے باز اپنی منفرد بلے بازی کی وجہ سے دنیا بھر میں منفرد شہرت رکھتے ہیں ۔ لیجنڈری کرکٹر 14 اگست 1962ء کو فیصل آباد میں پیدا ہوئے ۔ سابق سپر سٹار نے اپنا ٹیسٹ ڈیبیو 2 مارچ 1984ء جبکہ ون ڈے کیریئر کا آغاز 06 فروری 1985ء کو کیا ۔

(جاری ہے)

سابق کپتان نے 57 ٹیسٹ میچوں میں پاکستان کی نمائندگی کرتے ہوئے 2833 رنز جوڑے جبکہ 198 ون ڈے میچز کھیل کر 5841 رنز بنائے ۔ 1992ء کے تاریخی ورلڈ کپ میں عظیم بلے باز نے پاکستان کی جیت میں اہم کرادار ادا کیا تھا ۔ کرکٹ سے ریٹائرمنٹ کے بعد وہ کرکٹ کمنٹیٹر بن گئے اور اس شعبے میں بھی خوب نام کمایا ۔ سٹار کرکٹر کی سالگرہ اس حوالے سے بھی اہم ہے کہ 14 اگست کے تاریخی دن کو پاکستان معرض وجود میں آیا تھا ۔

Facebook Twitter Google + Share on Whatsapp

سابق کپتان اوپننگ بلے باز رمیز راجہ نے زندگی کی 53 بہاریں دیکھ لیں

مزید کھیلوں کی خبریں