ماضی کے معروف اداکا ردلیپ کمار کی پہلی محبت منظر عام پر آگئی

ممبئی (اُردو پوائنٹ اخبار تازہ ترین۔ 16 اگست۔2015ء) کیا آپ جانتے ہیں کہ ماضی کے معروف بولی ووڈ ٹریجیڈی کنگ دلیپ کمار کی پہلی محبت کونسی ہستی تھیں۔ہم میں سے بہت سے لوگ اس بات سے نا آشنا ہیں تاہم اب اس راز سے پردہ اٹھ ہی گیا۔ دلیپ کمار نے اقرا ر کیا ہے کہ انکی پہلی محبت ماضی کی معروف اداکارہ کامنی کوشل تھیں۔ انھوں نے بتایا کہ انھیں پہلی بار اپنی محبت کا احساس فلم ’شہید‘ کے سیٹ پر ہوا۔

تاہم کامنی اپنی مرحومہ بہن کے شوہر کے ساتھ رشتے میں منسلک تھیں۔ انھوں نے مرتے وقت اپنی بہن سے وعدہ کیا تھاکہ وہ ان کے بچوں کی دیکھ بھال کریں گی۔ یہی وجہ تھی جو اس خوبصورت جوڑے میں جدائی کا باعث بنی تھی۔حسن کی دیوی مدھو بالا ور اور ٹریجیڈی کنگ دلیپ کمار کی محبت کی کہانی سے کون واقف نہیں ہوگا۔

(جاری ہے)

یہ جوڑی بولی ووڈ فلم انڈسٹری میں سب سے حسین جوڑے کے طور پر جانی جاتی تھی۔

یہ جوڑا منگنی کے رشتے میں بند ھ چکا تھا تاہم دلیپ کمار کی انا نے اس رشتے کے خاتمے میں اہم کردار ادا کیا۔ اس منگنی کے خاتمے کے بعد مدھوبالا نے معروف گلوکار و اداکار کشور کمار سے شادی کر لی تاہم بعد ازاں کشور کمار سائرہ بانو کی طرف متوجہ ہو گئے۔ علاوہ ازیں دلیپ کمار بیوٹی کوئین سائرہ بانو سے متعارف ہوئے جو ایک فلم میں ان کے ساتھ اداکاری کر رہی تھیں۔ سائرہ بانو کا کہنا تھا کہ وہ 12سال کی عمر سے دلیپ کمار سے شادی کے سپنے دیکھتی تھیں۔1966ء میں یہ افسانوی محبت شادی کے بندھن میں بد ل گئی۔شادی کے وقت دلیپ کمار 44اور سائرہ بانو22برس کی تھیں