بیونس آئرس، ٹینگو ڈانس عالمی چیمپئن شپ کیلئے ڈانسروں کا کوالیفائنگ مرحلہ شروع

بدھ 19 اگست 2015 13:45

بیونس آئرس (اُردو پوائنٹ اخبار تازہ ترین۔ 19 اگست۔2015ء) بیونس آئرس میں ٹینگو ڈانس کی عالمی چیمپئن شپ کیلئے ٹینگو ڈانسروں کے کوالیفائنگ مقابلے شروع ہو گئے ہیں۔ بیونس آئرس میں چودہ اگست سے جاری ٹینگو فیسٹیول میں دنیا بھر سے ٹینگو ڈانسر شریک ہیں۔ٹینگو ڈانس میں عموماً مرد اور خواتین جوڑے بنا کر رقص کرتے ہیں لیکن اس بار جرمنی کی روزلیناڈلفینا اور اس کی اطالوی ساتھی ایلیو نور نکوسی نے روایت سے ہٹ کر خواتین کے ساتھ جوڑے بناکر رقص کرنے کا فیصلہ کیا ہے۔

(جاری ہے)

ان کا کہنا ہے کہ خواتین کے جوڑوں کی رقص کی تکنیک تو وہی ہے لیکن اندازمختلف ہو گا۔ ڈلفینا کا کہنا تھا کہ وہ نہیں سمجھتیں کہ وہ کچھ غیرمعمولی کرنے جا رہی ہیں۔ ٹینگو چیمپئن شپ میں شرکت کیلئے کوالیفائنگ راونڈ شروع ہونے پر رقاصوں نے ماہر ججوں کے پینل اور شائقین کے سامنے ریہرسل کے دوران سٹیج پر گھومتے بل کھاتے نظر آئے۔اطالوی ٹینگو ڈانسر جوزف ریکو بونو کا کہنا ہے کہ اتنے لوگوں کے سامنے رقص کرتے ہوئے وہ بہت متفکر تھا لیکن یہ ایک نیا تجربہ ہے۔ترک رقاص وشو اردان کا کہنا تھا وہ اور اس کی ساتھی فائنل تک پہنچنا چاہتی ہیں۔ ورلڈ ٹینگو چیمپئن شپ اور فیسٹیول ستائس اگست تک جاری رہے گا۔

Facebook Twitter Google + Share on Whatsapp

بیونس آئرس، ٹینگو ڈانس عالمی چیمپئن شپ کیلئے ڈانسروں کا کوالیفائنگ مرحلہ شروع

مزید فن و فنکار کی خبریں