ایم کیو ایم کے جائز مطالبات مانے جائیں گے، الطاف حسین کے بیانات پاکستان کی زبان سے مختلف ہیں، عوام امن چاہتی ہے تمام سیاستدانوں کو متحد ہونا چاہیے، وزیر دفاع خواجہ محمد آصف کی نجی ٹی وی سے گفتگو
جمعہ 21 اگست 2015 22:10
اسلام آباد (اُردو پوائنٹ اخبار تازہ ترین۔ 21 اگست۔2015ء) وزیر دفاع خواجہ محمد آصف نے کہا ہے کہ ایم کیو ایم کے جائز مطالبات مانے جائیں گے، الطاف حسین کے بیانات پاکستان کی زبان سے مختلف ہیں، عوام امن چاہتی ہے تمام سیاستدانوں کو متحد ہونا چاہیے۔ وہ جمعہ کو نجی ٹی وی کے پروگرام میں گفتگو کر رہے تھے۔ انہوں نے کہا کہ ہم پر 4سے 5ماہ تک صبر آزما دور گزرا، اس کو مدنظر رکھتے ہوئے ایم کیو ایم کو پارلیمنٹ میں آ کر اپنا موثر کردار ادا کرنا چاہیے۔
انہوں نے کہا کہ ایم کیو ایم کو کچھ تحفظات ہیں جو انہوں نے مولانا فضل الرحمان کے سامنے رکھے ہیں، اگر رشید گوڈیل پر حملہ نہ ہوتا تو ان پر پیش رفت ہو جاتی، اب ان سے مذاکرات کا دوسرا دور اسلام آباد میں ہو گا، امید ہے ایم کیو ایم کے جائز مطالبات پورے کئے جائیں گے۔(جاری ہے)
خواجہ محمد آصف نے کہا کہ ایک بات واضح ہے کہ ایم کیو ایم نے خود کہا کہ کراچی آپریشن جاری رہنا چاہیے، اس میں انہیں اختلاف نہیں ہونا چاہیے ، اگر گزشتہ روز بھی وزیر اعظم نے کہا ہے کہ آپریشن کیلئے جو قانون متعین ہیں ان کے اندر رہ کر اپنا کام جاری رکھیں۔
انہوں نے کہا کہ ایم کیو ایم 30سال تک اقتدار میں رہنے کے باوجود بھی قانون نافذ کرنے والے اداروں کے خلاف ایسی بات کریں تو افسوس ہے، اب عوام امن مانگتی ہے، اس کیلئے تمام سیاستدانوں کو متحد ہونا چاہیے۔ خواجہ محمد آصف نے کہا کہ جو بیان لندن سے آتے ہیں وہ پاکستانی ماحول سے نہیں آتے، ان کی زبان پاکستان کی زبان سے مختلف ہے۔متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.