تیل 12 سے 15 روپے فی لیٹر سستا ہونا چاہیے اپوزیشن لیڈر سید خورشید شاہ

متحدہ قومی موومنٹ کے رہنماء رشید گوڈیل پر حملہ ملک کو غیر مستحکم کرنے کی سازش ہے میڈیا سے گفتگو

ہفتہ 22 اگست 2015 13:40

تیل 12 سے 15 روپے فی لیٹر سستا ہونا چاہیے اپوزیشن لیڈر سید خورشید شاہ

سکھر (اُردو پوائنٹ اخبار تازہ ترین۔ 22 اگست۔2015ء) قومی اسمبلی میں قائد حزب اختلاف سید خورشید نے کہا ہے کہ عالمی منڈی میں تیل کی قیمتیں کم ہونے کے بعد ملک میں تیل 12 سے 15 روپے فی لیٹر سستا ہونا چاہیے سکھر میں اپنی رہائش گاہ پر میڈیا سے بات چیت کرتے ہوئے خورشید احمد شاہ نے کہا کہ ایم کیو ایم خود عمران خان کو پارلیمنٹ میں واپس آنے کا مشورہ دے رہی تھی اایم کیو ایم کو سمجھنا چاہیے انہوں نے کہا کہ متحدہ قومی موومنٹ کے رہنماء رشید گوڈیل پر حملہ ملک کو غیر مستحکم کرنے کی سازش ہے۔

(جاری ہے)

ایک سوال کے جواب میں انہوں نے کہا کہ سندھ کے چیئرمین اینٹی کرپشن اچھی شہرت رکھتے ہیں جو اختیارات ایف آئی اے اور نیب کے پاس ہیں ،وہ ہی اختیارات محکمہ اینٹی کرپشن کے پاس بھی ہیں۔ اس لئے چیئرمین اینٹی کرپشن کی خواہش ہے کہ نیب اور ایف آئی اے ان معاملات میں مداخلت نہ کرے۔