فلم”جوانی پھر نہیں آنی“ میں دوگانے نامناسب ہیں‘حمزہ علی عباسی
اگر یہ گانے فلم سے نہ نکالے گئے تومیں فلم کی پروموشن کا حصہ نہیں بنوں گا
پیر 24 اگست 2015 12:46
کراچی (اُردو پوائنٹ اخبار تازہ ترین۔ 24 اگست۔2015ء) پاکستانی فلم ”جوانی پھر نہیں آنی“ کے نئے ٹریلر کی ریلیز کے بمشکل ایک ہفتے بعد مرکزی اداکار حمزہ علی عباسی نے اپنے ایک فیس بک اسٹیٹس کے ذریعے خود کو فلم کی پروموشن سے علیحدہ کرنے کا عندیہ دے دیا ہے-اپنے اسٹیٹس میں حمزہ کا کہنا تھا کہ ان کا خیال ہے کہ ”جوانی پھر نہیں آنی“ کے دو گانے بہت نامناسب ہیں اور نازیبا انداز میں پیش کیے گئے ہیں-ساتھ ہی انھوں نے یہ دھماکا بھی کردیا کہ اگر یہ گانے فلم سے نہ نکالے گئے تو وہ فلم کی پروموشن کا حصہ نہیں بنیں گے-حمزہ کا کہنا ہے کہ میں صرف اْس صورت میں فلم پروموشن کا حصہ بنوں گا اگر یہ دونوں گانے نکال دیئے گئے، دوسری صورت میں، میں اس سے گریز کروں گا-فلم میں نامناسب سین یا گانوں کی موجودگی کے باوجود اس میں کام کرنے کی وضاحت کرتے ہوئے حمزہ کا کہنا تھا کہ مجھے بہت تاخیر سے اس بات کا علم ہوا اور اگر اْس وقت میں شوٹنگ سے انکار کردیتا تو میرے دوستوں کو اس کا بہت نقصان ہوتا، لہذا مجھے یہ کرنا پڑا، باوجود اس کے کہ میں ان سب چیزوں کے خلاف ہوں-فلم ”جوانی پھر نہیں آنی“میں حمزہ علی عباسی کے ساتھ ہمایوں سعید، احمد علی بٹ، واسع چوہدری، مہوش حیات، سوہائے ابڑو، عائشہ خان، ثروت گیلانی، جاوید شیخ اور بشریٰ انصاری بھی شامل ہیں-اپنے فیس بک اسٹیٹس کی وضاحت کرتے ہوئے حمزہ نے ڈان کو بتایا کہ وہ فلم کی پروموشن میں بہت زیادہ کردار ادا نہیں کر رہے، تاہم انھوں نے اس بات کو مسترد کردیا کہ ان کے فیصلے کا اثر ساتھی اداکاروں سے ان کے تعلقات پر پڑے گا-حمزہ کا کہنا تھاکہ ہم سب دوست ہیں اوروہ یہ بات جانتے ہیں کہ میں ذاتی طور پران کے خلاف نہیں ہوں-اداکار کا مزید کہنا تھا کہ مہذب اور فحش ہونے کے درمیان ایک لکیر موجود ہے اور یہ کہنا بہت مشکل ہے کہ کون سی چیز کیا ہے، میرا خیال ہے کہ 100 فیصد غلطی ہمارے سینسر بورڈ کی ہے-حمزہ علی عباسی نے اس سے قبل اپنا دفاع کرتے ہوئے کہا تھا کہ "اگرچہ میں ایک اداکار ہوں لیکن مجھے ان معاملات پر بولنے سے نہیں روکا جانا چاہیے اور اس معاشرے میں ترقی کرنے کے لیے ہمیں ان پابندیوں کو توڑنے کی ضرورت ہے-
مزید فن و فنکار کی خبریں
-
مریم نواز کو پولیس وردی میں دیکھ کر نور بخاری گرویدہ ہوگئیں، تعریف کئے بغیر نہ رہ سکیں
-
کترینہ کیف کیساتھ فلم کی آفر ہوئی تھی، ابرار الحق کا انکشاف
-
کترینہ کیف کیساتھ فلم کی آفر ہوئی تھی‘ ابرار الحق کا انکشاف
-
اللہ نے مریم نواز کو بہت حسین بنایا ہے، کیمرہ انکی خوبصورتی کیساتھ انصاف نہیں کرتا‘ نور بخاری
-
اداکار و فلمسازنعیم ہاشمی کی48ویں برسی (کل)منائی جائے گی
-
سب کچھ ہونے کے باوجود افسردہ رہتی ہوں ، امریکی گلوکارہ بلی ایلش
-
وجے دیورا کونڈا اپنے سیکیورٹی گارڈ کی شادی میں پہنچ گئے
-
اداکارہ ایمن خان کی ہمشکل سوشل میڈیا صارفین کی تنقید سے تنگ آگئیں
-
عاصم اظہر نے اپنی تمام پوسٹیں ڈیلیٹ کر کے انسٹاگرام پر سب کو انفالو کردیا
-
سادہ چیزوں میں رومانس مجھے زیادہ متاثر کرتا ہے، صنم جنگ
-
اداکارہ ایشا دیول کا اداکار فردین خان کی فلمی دنیا میں واپسی پر خوش آمدید
-
جنسی زیادتی کا جرم ، فلم پروڈیوسرہاروی وائنسٹین کی سزا منسوخ
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.