ایک نمبر پلیٹ چھ، چھ گاڑیوں کو لگا دی گئی، نظام خاک بہتر ہو گا، سپریم کورٹ
گزشتہ دوروزمیں 500 غیررجسٹرڈ گاڑیاں تحویل میں لی گئیں، بس ٹرمینل ،پارکنگ نظام نہ ہونے پر ٹریفک مسائل جنم لے رہے ہیں،ڈی آئی جی ٹریفک
پیر 24 اگست 2015 16:27
کراچی(اُردو پوائنٹ اخبار تازہ ترین۔ 24 اگست۔2015ء)فینسی نمبرپلیٹ اور غیر رجسٹرڈ گاڑیوں سے متعلق رپورٹ سپریم کورٹ کراچی رجسٹری میں پیش کر دی گئی ہے۔ دوران سماعت جسٹس امیرہانی مسلم نے کہا کہ ایک نمبرپلیٹ 6،6 گاڑیوں پر لگا دی گئی ہے، نظام خاک بہتر ہو گا۔ تفصیلات کے مطابق پیرکوسپریم کورٹ کراچی رجسٹری میں فینسی نمبرپلیٹ اور غیر رجسٹرڈ گاڑیوں سے متعلق کیس کی سماعت کی گئی۔
کمشنرکراچی شعیب صدیقی،ڈی آئی جی ٹریفک منیراحمدشیخ،سیکرٹری خزانہ سمیت دیگراعلیٰ حکام عدالت میں پیش ہوئے جبکہ عدالت عظمی نے سیکرٹری ایکسائزکی غیرحاضری پر برہمی کا اظہار کیا۔ ڈی آئی جی ٹریفک منیراحمدشیخ کی جانب سے پیش کی گئی رپورٹ کے مطابق گزشتہ دوروزمیں 500 غیررجسٹرڈ گاڑیاں تحویل میں لی گئیں۔(جاری ہے)
بس ٹرمینل اور پارکنگ نظام نہ ہونے پر ٹریفک مسائل جنم لے رہے ہیں۔
جسٹس امیرہانی مسلم نے دوران سماعت ریمارکس دیئے کہ ایک سال سے نمبرپلیٹس جاری نہیں کی جا رہیں۔ ایک نمبرپلیٹ چھ،چھ گاڑیوں پر چپکا دی گئی۔ معززجج نے حکم دیاکہ آئندہ بنا رجسٹریشن کوئی بھی گاڑی پورٹ سے باہرنہیں آنی چاہیے۔جسٹس سرمدجلال عثمانی نے استفسار کیا کہ انڈرپاس کیوں نہیں بنائے جا رہے۔ جواب میں کمشنر کراچی نے بتایا کہ انڈرپاس کی تعمیرکیلئے کراچی الیکٹرک معاوضہ مانگ رہا ہے جس پر معزز جج نے ریمارکس دیئے کہ جب کراچی الیکٹرک والے بجلی کا پول لگاتے ہیں تو کس کوادائیگی کرتے ہیں، مفاد عامہ کے کاموں کو پیسوں کی مشین نہ بنایا جائے۔جسٹس امیرہانی مسلم نے کہاکہ سندھ پولیس میں رشوت لیکر بھرتیاں کی جا رہی ہیں، مڈل پاس افراد کو بھی بھرتی کیا گیا۔ سیکرٹری خزانہ نے بتایا کہ دوسال میں 20ہزار اہلکار بھرتی کرنے کی تجویز دی گئی تھی۔مزید اہم خبریں
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
-
بچوں کا اغوا مافیاز کے لیے منافع بخش تجارت
-
ملائشیا: مہاتیر محمد کو انسداد بدعنوانی تحقیقات کا سامنا
-
زرمبادلہ کے ملکی ذخائر میں جاری مالی سال کے دوران مجموعی طورپر4.120 ارب ڈالر اضافہ
-
نواز شریف کو پارٹی صدر بنانے کی تیاریاں،ن لیگ پنجاب کا ہنگامی اجلاس آج طلب
-
کاندھوں کی سیاست ختم کرنے کیلئے سیاستدانوں کو مل بیٹھنا ہوگا، رانا ثنااللہ
-
خواجہ آصف نے عمران خان پر سمجھوتے کیلئے دبا ئوڈالنے کا دعویٰ مسترد کر دیا
-
وزیر اعظم 28 اپریل ورلڈ اکنامک فورم میں شرکت کیلئے سعودی عرب روانہ ہوں گے
-
مارچ کے مہینے میں آئی ٹی برآمدات سب سے زیادہ رہیں، شہباز شریف
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردارایاز صادق
-
عدت پوری کیے بغیربیوی کی بہن سے شادی غیرقانونی قرار، ہائیکورٹ کا تحریری فیصلہ جاری
-
پاکستان کے معاشی حالات بہتر ہو رہے ہیں، وزیر اعظم شہباز شریف
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.