اٹلی ماؤنٹین بائیک ورلڈ کپ ، آرون گوین اور راشیل ایتھرٹن فاتح

منگل 25 اگست 2015 14:06

اٹلی(اُردو پوائنٹ اخبار تازہ ترین۔ 25 اگست۔2015ء) اٹلی میں ماوٴنٹین بائیک ورلڈ کپ کا دلچسپ ایونٹ اختتام کو پہنچ گیا ، مردوں کی کیٹیگیری میں امریکا کے آرون گوین اور خواتین کا مقابلہ برطانیہ کی راشیل ایتھرٹن نے جیت لیا ، اٹلی میں ہونے والے ماوٴنٹین بائیک ورلڈ کپ میں شاندار مقابلے دیکھنے کو ملے ، رائیڈرز نے پتھریلے اور ناہموار ٹریک پر اپنی مہارتوں کے جوہر دکھا کر شائقین سے خوب داد سمیٹی۔

(جاری ہے)

امریکہ کے آرون گوین نے سب سے پہلے فنش لائن عبور کر کے عالمی چیمپئن بننے کا اعزاز حاصل کیا۔ ایونٹ میں ہونے والی خواتین کی ریس میں صنف نازک نے بھی خطرناک راستوں پر اپنی صلاحیتوں کا بھرپور مظاہرہ کیا۔سب نے ایک دوسری پر برتری لے جانے کیلئے خوب ہاتھ پاوٴں چلائے۔ برطانیہ کی راشیل ایتھرٹن نے سب سے زیادہ ایک ہزار چھ سو ساٹھ پوائنٹس کیساتھ پہلی پوزیشن حاصل کرتے ہوئے عالمی ٹائٹل جیت لیا۔

Facebook Twitter Google + Share on Whatsapp

اٹلی ماؤنٹین بائیک ورلڈ کپ ، آرون گوین اور راشیل ایتھرٹن فاتح

مزید کھیلوں کی خبریں