پاک فوج نے کراچی کی رونقیں بحال کردیں ‘امریکی جریدہ
منگل 25 اگست 2015 14:35
واشنگٹن (اُردو پوائنٹ اخبار تازہ ترین۔ 25 اگست۔2015ء)امریکی جریدہ ”نیشنل انٹرسٹ“ نے اپنی رپورٹ میں کہا ہے کہ فوج کے آپریشن سے پاکستان میں دہشت گردی کی کارروائیوں میں مسلسل کمی آرہی ہے ۔اگر یہی سلسلہ جاری رہا تو 2006 کے بعد دہشت گرد حملوں میں ہلاک پاکستانی شہریوں کی یہ تعداد سب سے کم ہو گی،یہ وہ سال تھا جب طالبان عسکریت پسندوں نے ملک بھر میں اپنی دہشت گردی کی کارروائیوں کا آغاز کیا۔
واقعات میں کمی کی وجہ قبائلی علاقوں اور کراچی میں جاری پاک فوج کاآپریشن ہے انسداد دہشت گردی کا یہ آپریشن سات قبائلی علاقوں کے ساتھ ساتھ چاروں صوبوں میں شہر ی دہشت گردی کے خلاف بھی جاری ہے جن میں خاص طور پر کراچی کامیگا سٹی شامل ہے۔پاک فوج نے کراچی شہر کی رونقیں بحال کردیں ہیں۔(جاری ہے)
کراچی پولیس ریکارڈ کے مطابق کراچی آپریشن کے نتیجے میں2015کے پہلے چھ ماہ میں قتل کے واقعات میں گزشتہ برس کے مقابلے میں 60 فی صد کمی ہوئی،بینک ڈکیتیوں، بھتہ خوری، اور اغوا برائے تاوان کے واقعات میں70سے83فی صد کمی ہوئی۔
جریدے نے کراچی آپریشن اور سیاسی جماعتوں کے کردار پر ایک تفصیلی مضمون میں لکھا کہ پراناکراچی پرامن اور صاف تھا ،آج کا کراچی امریکی تھنک ٹینک کے ماہر رچرڈ نورٹن کے جنگلی شہر “feral city” کی طرح ہے جہاں حکومت نے شہری حدود میں قانون کی حکمرانی قائم رکھنے کی صلاحیت کھو دی اور یہاں بین الاقوامی نظام کے زیادہ سے زیادہ اداکاروں کا راج ہے۔اسی کی دہائی کے بعد سے تشدد کراچی کی سیاسی اور سماجی نظام کا ایک لازمی حصہ بن گیااس شہر میں سیاسی طاقت اور دولت حاصل کرنے کا ایک لازمی ذریعہ خوف اور قتل کی صلاحیت ہے کراچی کا پر تشددچیلنج کوئی منفرد نہیں، یہ دہلی کے واٹر ٹینکر مافیا ‘میکسیکو سٹی کے اغوا کے نیٹ ورکس، اور ممبئی کی بدنام مجرموں کے ہم پلہ ہے تاہم ان سب کو یکجا کرنے باجود کراچی کی پرتشدد طاقتیں دنیا کی سب سے پیچیدہ طاقتوں میں سے ایک ہیں۔
کراچی میں ریاست مخالف اور بین الاقوامی جہادی گروپ وسیع پیمانے پر دہشت گرد حملوں کو منظم کرتے ہیں جن کا ہدف سیاستدانوں، ریاستی اہلکاروں، اداروں، مذہبی اقلیتوں اور غیر ملکیوں کو نشانہ بنا نا ہے۔ کراچی میں نسلی، فرقہ وارانہ اور ریاست مخالف عسکریت پسند جن میں عام طور پر موٹر سائیکل پر دو سوار اپنے حریفوں اور دشمنوں کی روزانہ ٹارگٹ کلنگ میں مصرف نظر آتے ہیں۔ان گروپوں میں سے بعض قاتل بھارت، ایران اور جنوبی افریقا سے تربیت اور پناہ حاصل کرتے ہیں بھتہ خور سیاسی جماعتوں، مذہبی تنظیموں اور دہشت گرد گروپوں کے فنڈز اکٹھا کرنے کے لئے عام شہریوں اور کاروباری شخصیات کو نشانہ بنایا جاتا ہے۔بھتہ خور کبھی کبھی افغانستان یا جنوبی افریقہ سے فون کرتے ہیں۔ریئل اسٹیٹ مافیا براہ راست یا بڑی سیاسی جماعتوں سے تعلق جوڑ کے سرکاری زمینیں ہڑپ کرتی ہے جنہیں وہ فروخت کرتی ہے یا ہاؤسنگ سوسائٹیاں کھڑی کرتی ہے۔ دہشت گرد نیٹ ورک پاکستان بھر میں پرتشدد کارروائیوں کے فنڈز کے لئے امیروں کو اغوا اوربینکوں کو لوٹتے ہیں۔ شہر میں حالیہ پرتشدد سیاست نے2010 میں جنم لیا۔ ایم کیو ایم اور پی پی کا اتحاد واشنگٹن اور لندن کے بیوروکریٹ نے دبئی میں کرایا جس کا مقصد دہشت گردی کے خلاف جنگ جیتنے کیلئے سیکولر جماعتوں کو اکھٹا کرنا تھا۔ ایم کیو ایم لوکل انتخابا ت چاہتی تھی ، تاہم پی پی کو لوکل انتخابات سے کوئی دلچسپی نہیں تھی۔ پیپلز پارٹی نے کراچی کے دو کروڑ تیس لاکھ لوگوں کے شہر پر مقرر کردہ بیوروکریٹس کے ذریعے حکومت کرنے کو ترجیح دی۔لیکن کراچی میں دونوں سیاسی جماعتوں کی چپقلش نے القاعدہ اور طالبان کی حوصلہ افزائی کی۔ نائن الیون کے بعد پشتونوں کی بھاری تعداد نے کراچی کارخ کیا اور آبادی دگنا ہو گئی، کراچی میں متحدہ ، عوامی نیشنل پارٹی اور پیپلز پارٹی ایک دوسرے سے برسر پیکا ر ہوئیں اور پرتشدد سیاست سامنے آئی ‘ تینوں سیکولر جماعتوں نے ایک دوسرے کے لوگوں کو مارا، اس کے علاوہ طالبان ،القاعدہ اور دیگر مذہبی عسکریت پسندوں نے کراچی میں ہزاروں لوگوں کو ہلاک کیا،2010میں ہلاکتوں کی تعداد1981‘2013میں یہ تعداد3251تک جا پہنچی۔ کراچی آپریشن ستمبر2013میں شروع کیا گیا۔شروع میں آپریشن کے لئے کوئی بھی سیاسی جماعت دلی طور رضامند نہیں تھی، تاہم فوج نے مسلسل دوسرے سال تما م رکاوٹوں کے باوجود آپریشن جاری رکھا، اور کراچی میں قدرے حالات پرسکون ہو گئے۔مزید اہم خبریں
-
یوکرین کے وزیر خارجہ بھارت کے دورے پر نئی دہلی پہنچ گئے
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، صدر مملکت
-
وزیراعلیٰ مریم نوازشریف کا صبح سویرے لاہورایس ایل تھری کا دورہ، جلد تکمیل کا حکم
-
مراکز صحت کی اپ گریڈیشن شروع، بی ایچ یو شامکے بھٹیاں پائلٹ پراجیکٹ ایک ہفتے میںمکمل،وزیر اعلیٰ مریم نواز شریف معائنہ کرنے پہنچ گئیں
-
گزشتہ دور حکومت کے دوران پنک راک سالٹ مائنز کی غیر قانونی الاٹمنٹ پر کیس نیب میں بھیجنے کا فیصلہ
-
ملک دشمن عناصر بزدلانہ کارروائیوں سے پاکستانی قوم کے عزم کو شکست نہیں دے سکتے،وفاقی وزیر داخلہ محسن نقوی کا وزیر اعلی ہائوس پشاور میں اعلیٰ سطحی اجلاس سے خطاب
-
تحریک انصاف کا اتوار کو پشاور میں ریلی نکالنے کا اعلان
-
وزیر اعلیٰ پنجاب مریم نواز شریف کی ہدایت پر ستھرا پنجاب مہم کا آخری مرحلہ بھرپور انداز میں جاری
-
قومی ائیر لائن پی آئی اے کی نجکاری میں بڑی رکاوٹ دور ہوگئی
-
صدرمملکت سے برطانوی ہائی کمشنر کی ملاقات ، دوطرفہ تعلقات پر گفتگو
-
وفاقی حکومت کا ججزکے خط پر انکوائری کمیشن بنانے کااعلان
-
ملک کے جیمز اینڈ جیولری سیکٹر کی ترقی پر توجہ دینے کی ضرورت ہے، ویلیو ایڈڈ مصنوعات کی برآمد سے قیمتی زرمبادلہ کمانے میں مدد مل سکتی ہے، صدر مملکت آصف علی زرداری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.