پبلک اکاؤنٹس کمیٹی کا منشیات کے بڑھتے ہوئے کاروبار پر تشویش کا اظہار
منگل 25 اگست 2015 16:08
اسلام آباد ( اُردو پوائنٹ اخبار تازہ ترین۔ 25 اگست۔2015ء ) قومی اسمبلی کی پبلک اکاؤنٹس کمیٹی نے منشیات کے بڑھتے ہوئے کاروبار پر تشویش کا اظہار کرتے ہوئے کہا ہے کہ جب تک منشیات کا خاتمہ نہیں ہوگا تب تک ملک ترقی نہیں کرسکے گا ، 20 کروڑ رعوام کیلئے انسداد منشیات فورس کے 1600 اہلکار ناکافی ہیں ، اس سلسلے میں وزیراعظم پاکستان کو لکھیں تاکہ وہ وزارت داخلہ کو ہدایت کریں ، دہشتگردی کے بعد بڑا مسئلہ منشیات کا ہے اور 15 لاکھ لوگ روزانہ 1 ہزار گرام ہیروئن استعمال کرتے ہیں ، ہر شہر میں اس کی دوکانیں موجود ہین ، عام لوگ بھی جانتے ہیں مگر انسداد منشیات کے ادارے کو پتہ نہیں ۔
منگل کو قومی اسمبلی کی پبلک اکاؤنٹس کمیٹی کا اجلاس چیئرمین کمیٹی و اپوزیشن لیڈر سید خورشید شاہ کی زیر صدارت پارلیمنٹ ہاؤس میں ہوا ۔(جاری ہے)
اجلاس میں آڈٹ حکام کی جانب سے نارکوٹکس کنٹرول ڈویژن کی 2 گرانٹس کے حوالے سے اجلاس کو بتایا گیا جس میں اصلی گرانٹ 84 کروڑ 88 لاکھ 9 ہزار بتائی گئی اور سپلیمنٹری گرانٹ 3 کروڑ 3 ہزار بتائی گئی اور اصل اخراجات 90 کروڑ 38 لاکھ 49 ہزار ہوئے۔
اجلاس میں کمیٹی نے نارکوٹکس کنٹرول ڈویژن کی کارکردگی کا بھی جائزہ لیا ۔ کمیٹی نے ملک میں بڑھتی ہوئی منشیات فروشی اور ان کے استعمال پر تشویش کا بھی اظہار کرتے ہوئے کہا کہ جب تک منشیات کا خاتمہ نہیں ہوگا تب تک ملک ترقی نہیں کرسکے گا ۔ افغانستان میں جب سے طالبان کی حکومت ہوئی ہے تب سے پوست کی کاشت میں اضافہ ہوا ہے اور انسداد منشیات فورس میں 20 کروڑ عوام کیلئے صرف 1600 اہلکار ناکافی ہیں ۔ ادارے کو وزیراعظم پاکستان کو لکھنا چاہیے تاکہ وہ وزارت داخلہ کو ہدایت کریں کیونکہ یہ مسئلہ دہشتگردی کے بعد سب سے بڑا مسئلہ منشیات کا ہے اور 15 لاکھ لوگ روزانہ 1 ہزار گرام ہیروئن استعمال کرتے ہیں ، ہر شہر میں دوکانیں موجود ہیں جس کے بارے میں عام آدمی کو پتہ ہے مگر حکومتی اداروں کو پتہ نہیں ، ممبر کمیٹی شیخ رشید احمد نے کہا کہ جیل میں نشے کے عادی افراد کو خود پولیس والے منشیات فراہم کرتے ہیں اور بڑے بڑے ڈیلرز جیلوں میں بیٹھ کر یہ مکروہ دھندہ کرتے ہیں ، 70 فیصڈ پوست پوری دنیا میں صرف افغانستان میں پیدا ہوتی ہے اور 40 فیصد پاکستان کے راستے سمگل ہوتی ہے اور پھر پاکستان میں بھی اس کے عادی افراد اسے استعمال کرتے ہیں ، اسکی سمگلنگ کو روکا جائے ۔مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.