اسلام آباد میں سرکاری سرپرستی میں تاریخ کے سب سے بڑے فراڈ کا انکشاف ، سی ڈی اے نے اسلام آباد کی حدود کے زون ٹو ، تھری ، فور اور فائیو میں 108 ہاؤسنگ سوساٹیز کو غیر قانونی قرار دے دیا
بدھ 26 اگست 2015 15:42
اسلام آباد ((اُردو پوائنٹ اخبار تازہ ترین۔ 26 اگست۔2015ء) وفاقی دارالحکومت میں سرکاری سرپرستی میں تاریخ کے سب سے بڑے فراڈ کا انکشاف ہوا ہے ۔ وفاقی ترقیاتی ادارہ ( سی ڈی اے ) نے اسلام آباد کی حدود کے زون ٹو ، تھری ، فور اور فائیو میں 108 ہاؤسنگ سوساٹیز کو غیر قانونی قرار دے دیا ہے ۔سی ڈی اے کے شعبہ پلاننگ کے سابقہ اور موجودہ آفسران کی مبینہ ملی بھگت سے بننے والی غیر قانونی ہاؤسنگ سوساٹیوں میں عوام الناس کے کھربوں روپے ڈوبنے کا خدشہ پیدا ہو گیا ۔
غوری ٹاؤن کے تمام 10 فیز غیر قانونی قرار دے دیئے گئے ہیں۔ تفصیلات کے مطابق وفاقی ترقیاتی ادارہ ( سی ڈی اے ) کے شعبہ پلاننگ سے آن لائن کو حاصل ہونے والی سرکاری دستاویزات کے مطابق اسلام آباد زون ٹو اور تھری سیکرٹر ای الیون کی 16 ہاؤسنگ سوساٹیز جس میں سپریم کورٹ ایمپلائز ہاؤسنگ سکیم بھی شامل ہے ۔(جاری ہے)
زون فور کی 64 ہاؤسنگ سوساٹیز جن میں غوری ٹاؤن کے چھ فیز ، ایڈن لائف سکیم ، گلبرگ ٹاؤن ، غوری گارڈن اور دیگر ہاؤسنگ سوسائٹی شامل ہیں جبکہ زون فائیو کی 29 ہاؤسنگ سوساٹیز جن میں ، پاک پی ڈبلیو ڈی ، نیشنل پولیس فاؤنڈیشن ، غوری ٹاؤن کے بچ جانے والے چار فیز شامل ہیں ۔
سی ڈی اے ذرائع نے آن لائن کو بتایا کہ مذکورہ 108 غیر قانونی ہاؤسنگ سوساٹیز کے محل وقوع اسلام آباد کی حدود میں ہونے کے باعث ان کا این او سی سی ڈی اے کے شعبہ پلاننگ سے حاصل کرنا ضروری تھا تاہم عوام الناس کو بے وقوف بنانے کے لئے مذکورہ ہاؤسنگ سوساٹیز کے مالکان نے سابقہ اور موجودہ ادوار میں کرپٹ افسران کو رشوت دے کر وقتی این او سی حاصل کر لئے ۔ جس کی بنیاد پر ان سوساٹیز کو کھلی لوٹ مار کی اجازت دے دی گئی۔ اسی ذرائع نے آن لائن کو مثال دیتے ہوئے کہا کہ جس طرح زون فور اور فائیو میں غوری ٹاؤن کے مالک راجہ ارشد نے دس فیز بغیر کسی این او سی کے بنا کر لوگوں سے کھربوں روپے وصول کئے اسی ذرائع کے مطابق ان 108 غیر قانونی ہاؤسنگ سوساٹیز کو چونکہ اسلام آباد کے ماسٹر پلان کے خلاف بنایا گیا ہے لہذا ان کی کوئی قانونی حیثیت بھی نہیں ہے اور اسی وجہ سے ان ہاؤسنگ سوساٹیز اور ان میں ہونے والی تعمیرات کو کسی وقت غیر قانونی کچی آبادیوں کی مانند مسمار کرنے کے لئے کارروائی کا آغاز کیا جا سکتا ہے ۔ آن لائن نے اس حوالے سے موقف جاننے کے لئے ڈائریکٹر ہاؤسنگ سوساٹیز فراز ملک اور ترجمان سی ڈی اے رمضان ساجد سے متعدد بار رابطہ کرنے کی کوشش کی تاہم رابطہ ممکن نہ ہو سکا ۔متعلقہ عنوان :
مزید اہم خبریں
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
-
اسپیکر قومی سردار ایاز صادق سے قازقستان کے سفیر یرژان کستافین کی ملاقات
-
وفاقی وزیر داخلہ سید محسن نقوی کی زیر صدارت نیکٹا ہیڈکوارٹر میں نیشنل ایکشن پلان عمل درآمد جائزہ کمیٹی کا اجلاس
-
اسلام آباد ہائیکورٹ کی پرویزالہٰی کی صحت سے متعلق میڈیکل رپورٹ اورپمزہسپتال انتظامیہ کو بھی اڈیالہ جیل کا دورہ کرکے رپورٹ پیرکو پیش کرنے کی ہدایت
-
8 فروری کے فراڈ الیکشن کی بینی فشری پیپلزپارٹی، ن لیگ اور ایم کیوایم ہیں
-
سولر پینلز کی قیمتوں میں مزید کمی
-
خواجہ سلمان رفیق کا پنجاب انسٹی ٹیوٹ آف کارڈیالوجی کا دورہ
-
وزیراعلیٰ پنجاب مریم نوا ز شریف کی جانب سے 100 گرام روٹی 16 روپے جبکہ 120 گرام نان 20 روپے مقرر
-
بڑے ریسٹورنٹس 50یا 100 روپے کی روٹی فروخت کر سکتے ہیں یہ ہماری ڈومین میں نہیں آتے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.