ڈومیسٹک ٹی ٹونٹی ٹورنامنٹ یکم ستمبر سے پنڈی اور اسلام آباد میں کھیلا جائے گا

جمعرات 27 اگست 2015 11:39

راولپنڈی (اردو پوائنٹ تازہ ترین اخبار 27اگست۔2015ء) ڈومیسٹک ٹی ٹونٹی کرکٹ ٹورنامنٹ یکم ستمبر سے راولپنڈی اور اسلام آباد میں کھیلا جائے گا ، فاسٹ بائولر محمد عامر ایونٹ میں راولپنڈی ریمز کی نمائندگی کریں گے ۔ تفصیلات کے مطابق پاکستان کے ڈومیسٹک سیزن کا آٓغاز اس مرتبہ قائد اعظم ٹرافی کی بجائے ٹی ٹونٹی ٹورنامنٹ سے ہو رہا ہے ۔ 16 ڈومیسٹک ٹیموں کے درمیان یکم سے 15 ستمبر تک میلہ راولپنڈی اور اسلام آباد میں سجے گا ۔

(جاری ہے)

ایونٹ کے میچز راولپنڈی کرکٹ سٹیڈیم اور ڈائمنڈ کرکٹ گرائونڈ اسلام آباد میں کھیلے جائیں گے ۔ مختصر فارمیٹ کا رواں برس یہ دوسرا ایونٹ ہے ۔ اس سے پہلے فیصل آباد میں کھیلا گیا سپر ایٹ ٹی ٹونٹی ٹورنامنٹ سیالکوٹ سٹالینز نے اپنے نام کیا تھا ، راولپنڈی میں ہونے والے ڈومیسٹک ٹی ٹونٹی ٹورنامنٹ میں فاسٹ بائولر محمد عامر راولپنڈی ریمز کی نمائندگی کریں گے ۔ سپا ٹ فکسنگ کیس میں بری ہونے والے محمد عامر کو اچھی کارکردگی کا سلسلہ انٹرنیشنل کرکٹ میں واپسی کی صورت میں مل سکتا ہے ۔

Facebook Twitter Google + Share on Whatsapp

ڈومیسٹک ٹی ٹونٹی ٹورنامنٹ یکم ستمبر سے پنڈی اور اسلام آباد میں کھیلا جائے گا

مزید کھیلوں کی خبریں