ٹی وی اداکار فلم انڈسٹری کو ڈوبنے نہیں دیں گے‘ بشریٰ انصاری

جمعرات 27 اگست 2015 12:34

لاہور(اُردو پوائنٹ اخبار تازہ ترین۔ 27 اگست۔2015ء) اداکارہ بشریٰ انصاری نے کہا ہے کہ فلم انڈسٹری پر جب برا وقت آیا تو اس وقت انڈسٹری سے وابستہ اداکاروں کو ٹی وی اسکرین نے جگہ دی اور اب فلم انڈسٹری کو ڈوبنے سے بچانے کے لیے بھی ٹی وی کے اداکار سب سے زیادہ پیش پیش ہیں۔

(جاری ہے)

جس میں میری آنے والی فلم ” جوانی پھر نہیں آنی “ میں صرف جاوید شیخ ایسے سینئر اداکار ہیں جو فلموں سے ٹی وی کی طرف آئے مگر ان کا بنیادی تعلق بھی ٹی وی سے جوڑا ہوا ہے ۔

انھوں نے کہا کہ فلم ” جوانی پھر نہیں آنی “ میں ٹی وی کے اداکاروں میں ہمایوں سعید ، احمد علی بٹ ، عائشہ خان مہوش حیات ، ثروت گیلانی ، واسع چوہدری ، حمزہ عباسی ، سوہائے ابڑو شامل ہیں ان سب فنکاروں کا پہلا تعارف ٹی وی ہے ۔ بشریٰ انصاری نے کہا کہ مجھے انتہائی خوشی ہے کہ کراچی فلم انڈسٹری کی جانب سے بھرپور سرمایہ کاری کے ساتھ مسلسل فلموں کی نمائش کا سلسلہ جاری ہے جس کے مستقبل میں اچھے نتائج سامنے آئیں گے۔

Facebook Twitter Google + Share on Whatsapp

ٹی وی اداکار فلم انڈسٹری کو ڈوبنے نہیں دیں گے‘ بشریٰ انصاری

مزید فن و فنکار کی خبریں