ترکی کی ایئرلائنز ستمبر کے آخر تک اسلام آبا د اور باکو کے درمیان براہ راست پروازیں شروع کریگی، یونس میرت
جمعرات 27 اگست 2015 16:27
اسلام آباد (اُردو پوائنٹ اخبار تازہ ترین۔ 27 اگست۔2015ء) ترکش ایئرلائنز اس سال ستمبر کے آخر تک ہفتے میں دو بار اسلام آباد سے باکو تک براہ راست پروازوں کا اجراء کرنیکا پروگرام بنا رہی ہے اور اس مقصد کے لئے تمام ضروری تیاریاں کو حتمی شکل دی جا رہی ہے ان خیالات کااظہار ترکش ایئرلائنز کے جنرل منیجر یونس میرت نے اسلام آباد چیمبر آف کامرس اینڈ انڈسٹری کے دورہ کے موقع پر کیا۔
انہوں نے کہا کہ ترکش ایئرلائنز نے پہلے ہی اسلا م آباد اور لاہور کے لئے روزانہ پروازوں کا اجرا کر دیا ہے اور اب یہ ہفتے میں دو بار اسلام آباد اور آذربائیجان کے دارالحکومت باکو کے درمیان پروازیں شروع کر نے کی منصوبہ بندی کر رہی ہے تا کہ پاکستان کو مشرق وسطی کے ساتھ براہ راست فضائی رابطے کے ذریعے منسلک کیا جا سکے۔(جاری ہے)
انہوں نے کہا کہ ترکی کی ایرلائنز کی یہ کوششیں پاکستانی عوام کو بہتر سفری سہولیات فراہم کرنے اور وہ دونوں ممالک کے باہمی تعلقات کو مزید بہتر کرنے کی طرف اہم پیش رفت ثابت ہوں گی۔
انہوں نے کہا کہ ترکی سے روزانہ کی بنیادکراچی، اسلام آباد اور لاہور تک پروازیں شروع کرنے سے پاکستانی عوام کو ترکش ایئر لائنز کے ذریعے مناسب کرایہ پردنیاکے 180 شہروں کی طرف سفر کرنے کا موقع فراہم ہو گیا ہے انہوں نے کہا کہ سال 2015 کے سکائی ٹریکس سروے کے مطابق ترکش ایئرلائنز کو مسلسل پانچویں مرتبہ یورپ کی بہترین اور مسلسل ساتویں مرتبہ جنوبی یورپ کی بہترین ایئرلائنز قرار دیا گیا ہے جو اس کی عمدہ کارکردگی کا ثبوت ہے۔ انہوں نے کہا کہ ترکش ایئرلائنز نے عالمی کمپنیوں کے ساتھ کاروباری سمجھوتے کر رکھے ہیں اور وہ اسلام آباد چیمبر آف کامرس اینڈ انڈسٹری کے ممبران کو بھی معیاری اور مناسب کرایہ والی سفری سہولیات فراہم کرنے کے لئے چیمبر کے ساتھ باہمی تعاون کا سمجھوتہ کرنا چاہتی ہے۔اسلام آباد چیمبر آف کامرس اینڈ انڈسٹری کے صدر مزمل حسین صابری نے اپنے استقبالیہ خطاب میں ہفتے میں دو بار اسلا م آباد سے باکو تک پروازیں شروع کرنے کے ترکش ایئر لائنز کے پروگرام کا خیر مقدم کیا اور کہا کہ اسلام آباد اور باکو کے مابین براہ راست فضائی رابطہ قائم ہونے سے پاکستا ن کی آذر بائیجان اور مشرق وسطی کے ساتھ تجارت و برآمدات میں کافی بہتری متوقع ہے ۔
انہوں نے کہا کہ ترکش ایئرلائنز کو چائیے کہ وہ اسلام آباد چیمبر آف کامرس اینڈ انڈسٹری کے ممبران کو خصوصی رعائیتی پیکج فراہم کرے جس سے انہیں دنیا کے مختلف ممالک کا سفر کر کے تجارتی مواقعوں کو تلاش کرنے میں سہولت ہو گی۔ انہوں نے کہا کہ ترکی سے پاکستان کے تین بڑے شہروں کے لئے روزانہ پروازوں سے دونوں ممالک کے درمیان عوامی روابط مضبوط ہوں گے اور باہمی تجارت میں بھی مذید بہتری آئے گی۔مزمل صابری نے کہا کہ پاکستان اور ترکی نے تہران کے ذریعے اسلام آباد اور استنبول کے درمیان ریلوے لنک کو اپگریڈ کرنے پر اتفاق کیا تھا تا کہ اسلام آباد سے تیز رفتاری کے ساتھ کارگو سامان ترکی اور یورپ کی منڈیوں تک پہنچ سکے ۔ لہذا انہوں نے اس بات پر زور دیا کہ دونوں ممالک کو چائیے کہ وہ اس منصوبے کو جلد مکمل کرنے کے لئے اپنی کوششوں کو تیز کریں تا کہ پاکستان ٹرانسپورت کے سستے ذریعے سے ایران اور ترکی سمیت یورپ کے ساتھ اپنی تجارت و برآمدات کو مزید بہتر طور پر فروغ دے سکے۔ اسلام آباد چیمبر آف کامرس اینڈ انڈسٹری کے سینئر نائب صدرمحمد شکیل منیر اور میاں وقاص مسعود نے بھی پاکستان اور ترکی کے درمیان تجارت کو مزید بہتر کرنے اور دونوں اداروں کے درمیان منافع بخش تعلقات کو قائم کرنے کیلئے مختلف تجاویز پیش کیں۔متعلقہ عنوان :
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.