اسلامی اصولوں پر مبنی جدید ترین سوشل میڈیا ویب سا ئٹ”' مسلم فیس“کی لانچنگ کر دی گئی
جمعہ 28 اگست 2015 13:02
اسلام آباد(اُردو پوائنٹ اخبار تازہ ترین۔ 28 اگست۔2015ء) اسلامی اصولوں پر مبنی جدید ترین سوشل میڈیا ویب سا ئٹ”' مسلم فیس“کی لانچنگ کر دی گئی۔” مسلم فیس“ کی اہم خصوصیات میں مختلف زبانوں میں ترجمہ کی صلاحیت، اسلامی اقدار کی پاسداری، غیر شرعی اور غیر اخلاقی مواد کی ممانعت ، اوقات نماز پر سکرین الرٹ اور نزدیکی مساجد ، ریستوران، تفریخی مقامات اور دیگراہم مقامات کی رہنمائی کا موجود ہونا ہے ۔
مسلم دنیا کی پہلی کامیاب سوشل میڈیا ویب سائٹ بیک وقت جدید ترین اور اسلامی سماجی اصولوں کے مطابق بنائی گئی ہے۔اس سائیٹ کا لنک https://www.muslimface.com رکھا گیا ہے۔ ویب سائٹ پر سوشل میڈیا یوزرز کی دلچسپی کے مطابق نت نئی آن لائن گیمز اور دیگر سہولیات بھی موجود ہیں ۔(جاری ہے)
جدید سوشل میڈیا ویب سائٹ چار سال کی محنت سے تیار کی گئی جسے دنیا بھر میںآ زمائش کے بعد صارفین کے استعمال کے لئے پیش کر دیا گیا ہے ۔
مسلم فیس کی انتظامیہ نے دعویٰ کیا ہے کہ مسلم فیس کی کامیابی کا اندازہ اس بات سے لگایا جا سکتا ہے کہ اسے ابتدائی 6ہفتوں میں گیارہ لاکھ مسلمانوں نے استعمال کیا اورمسلم فیس کے صارفین کی تیزی سے بڑھتی ہوئی تعدادسے امید ہے کہ بہت جلد "فیس بک" کو ایک مقابلے کا سامنا ہو گا۔اس ویب سائٹ پرکام کا آغاز2010 میں فیس بک پر گستاخانہ خاکوں کی اشاعت کے بعد نوجوان مسلمان آئی ٹی ماہرین کی جانب سے کیا گیا۔
چار سال کی محنت کے بعد اسلامی سماجی اصولوں کی روشنی میں بنائی جانے والی یہ سوشل میڈیا ویب سائٹ دنیا بھر میں تیزی سے مقبولیت پا رہی ہے۔مسلم فیس کے بانی رکن شعیب کا کہنا ہے کہ یہ ویب سائٹ صرف مسلمانوں کے لئے نہیں بلکہ دیگر مذاہب کے پیروکار وں کے لئے بھی ایک کھلا فورم ہے جو اپنے اہل خانہ اور بالخصوص بچوں کو سوشل میڈیا پر موجود غیر اخلاقی مواد سے دور رکھنا جاہتے ہیں ۔ ان کا کہنا تھا کہ ہم خالصتاً ایک ٹیکنالوجی کمپنی ہیں اور علاقائی سیاست سے ہمارا کو ئی لینا دینا نہیں اورمسلم فیس کا مقصد سماجی رابطے کے لئے صاف ستھری اور صحت مند سہولت فراہم کرنا اور اسلام اور مسلمانوں کے مثبت امیج کو اجاگر کرنے کے ساتھ ساتھ مستند دینی، علمی اور تاریخی معلومات کا ذریعہ مہیا کرنا ہے۔ماہرین کا کہنا ہے کہ امید کی جا رہی ہے کہ بہت جلد اس ویب سائٹ پر دنیابھر سے نا صرف مستند مذہبی سکالرز موجود ہوں گے بلکہ اس سے سوشل میڈیا کے ذریعے کئے جانے والے اسلام مخالف مواد اور منفی پراپیگنڈہ کا تدارک بھی ممکن ہو سکے گا ۔متعلقہ عنوان :
مزید تجارتی خبریں
-
بینک الفلاح کو رواں سال کی پہلی سہ ماہی میں 9.9ارب روپے کا خالص منافع
-
بجلی کی قیمت میں 2روپے 94پیسے فی یونٹ مزید اضافے کا امکان
-
موبائل فونز کی مقامی تیاری کے بعد قیمتوں میں نمایاں کمی
-
ملک میں سیمنٹ کی ریٹیل قیمتوں میں معمولی کمی ریکارڈ
-
ایل این جی کی درآمدات میں جاری مالی سال کے پہلے نوماہ میں دو فیصد کا اضافہ
-
موبائل فونز کی درآمدات میں جاری مالی سال کے پہلے نو ماہ میں 121 فیصد کا نمایاں اضافہ
-
برائلر گوشت کی قیمت میں مزید14روپے کلو کمی
-
انٹربینک میں روپے کے مقابے ڈالر کی قدر278.45روپے پر بدستور برقرار رہی جبکہ اوپن مارکیٹ میں ڈالر 5پیسے مہنگا
-
ملکی صرافہ مارکیٹوں میں سونے کی قیمت تاریخ کی بلند ترین سطح پر پہنچ چکی ہے
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پاکستان سٹاک ایکسچینج میں تیزی،100 انڈیکس 703 پوائنٹ اضافے کے ساتھ 72 ہزار63پوائنٹس کی بلند ترین سطح پر پہنچ گیا
-
تجارت سے متعلق ڈیٹا کی نگرانی اور تجزیہ کی درستگی کو بڑھانے کے لیے ڈیجیٹل ٹولز کا استعمال ضروری ہے، جام کمال خان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.