فنڈز کی عدم دستیابی ، دارالحکومت کے 391 سرکاری سکولوں کی سیکورٹی داؤ پر لگ گئی
فنڈز نہ ہونے سے سکولوں کی دیواریں تعمیر نہیں ہو سکیں، سکولوں کی سیکورٹی 80 ہزار روپے کے فنڈز سے بہتر نہیں ہو سکتی، 6000 سے زائد اساتذہ کی کمی نے تعلیم حاصل کرنے والے بچوں کے مستقبل کو بھی غیر محفوظ کر دیا ، بلدیاتی انتخابات سے وفاقی تعلیمی اداروں میں کوئی بہتری نہیں آئے گی،کونسلر سطح پر مداخلت کی وجہ سے تعلیمی نظام مزید گر جائے گا، برا ئے نا م ماڈل سکولز و کالجز بنانے سے تعلیمی معیا ر بہتر نہیں بنا یا جا سکتا،صدر فیڈرل گورنمنٹ ٹیچرز ایسوسی ایشن وفاقی تعلیمی اداروں کو یکساں فنڈز جاری کرنے سے ہی بہتری آ سکتی ہے ،اظہر اعوان
اتوار 30 اگست 2015 15:09
اسلام آباد (اُردو پوائنٹ اخبار تازہ ترین۔ 30 اگست۔2015ء) فنڈز کی عدم دستیابی کے باعث وفاقی دارالحکومت کے 391 سرکاری سکولوں کی سیکورٹی داؤ پر لگ گئی ۔ فنڈز نہ ہونے کی وجہ سے سکولوں کی دیواریں بھی تعمیر نہیں ہو سکیں ۔ 6000 سے زائد اساتذہ کی کمی نے تعلیم حاصل کرنے والے بچوں کے مستقبل کو بھی غیر محفوظ کر دیا ہے ۔ اسلام آباد میں بلدیاتی انتخابات سے وفاقی تعلیمی اداروں میں کوئی بہتری نہیں آئے گی بلکہ کونسلر سطح پر مداخلت کی وجہ سے تعلیمی نظام مزید گر جائے گا۔
ان خیالات کا اظہار فیڈرل گورنمنٹ ٹیچرز ایسوسی ایشن کے صدر اظہر اعوان نے آن لائن کو خصوصی انٹرویو دیتے ہوئے کیا ۔ انہوں نے کہا کہ سکولوں کی سیکورٹی 80 ہزار روپے کے فنڈز سے بہتر نہیں ہو سکتی اس کے لئے کروڑوں روپے درکار ہیں لیکن صرف 80 ہزار روپے سے ایک لاکھ روپے تک فی سکول فنڈز دے کر سیکورٹی پروف انتظامات نہیں ہو سکتے ۔(جاری ہے)
اب بھی سکولوں کی دیواریں گری ہوئی ہیں اور بغیر اسلحہ کے چوکیدار گارڈ کے طور پر ڈیوٹی دے رہے ہیں ۔
انہوں نے کہا کہ اسلام آباد کے سکولوں میں بچوں کو تعلیم دینے کے لئے 6000 سے زائد اساتذہ کی ضرورت ہے اور ہم جدوجہد کر رہے ہیں کہ نئے اساتذہ کمی بھرتی کے ساتھ ساتھ پہلے سے ڈیلی ویجز کے طور پر کام کرنے والے اساتذہ کو مستقل کیا جائے اور پی پی دور میں برطرفی کے بعد بحال ہونے والے تمام ملازمین کو مستقل کیا جائے ۔ حالانکہ یہ فیصلہ ہوا تھا کہ یہ تمام اساتذہ اور ملازمین بحالی کے بعد ای ک سال کے اندر اندر ایکٹ کے ذریعے مستقل ہو جائیں گے مگر ابھی تک اس پر کوئی کام نہیں ہوا اسی طرح ڈیپوٹیشن والوں کا ایشو ہے ان کے لئے بھی ہم کوشش کر رہے ہیں کہ انہیں مستقل آسامیوں پر ریلیف دیا جائے جبکہ ڈیلی ویجز اور بحال اساتذہ کو ہ ہنگامی بنیادوں پر مستقل کیا جائے کیونکہ ان اساتذہ میں احساس محرومی پیدا ہو گئی ہے جس پر جلد از جلد وزارت کیڈ اقدامات کریں ۔ انہوں نے کہا کہ اسلام آباد میں بلدیاتی انتخابات سے وفاقی تعلیمی اداروں میں کوئی بہتری نہیں آئے گی بلکہ کونسلر سطح پر مداخلت کی وجہ سے تعلیمی نظام مزید گر جائے گا ۔تمام وفاقی تعلیمی اداروں کو یکساں فنڈز جاری کرنے سے ہی بہتری آ سکتی ہے ۔ ایک آدھ سکول بہتر ہونے سے کوئی تبدیلی نہیں لائی جا سکتی ہے ۔ انہوں نے کہا کہ اسلام آباد میں چند ایک تعلیمی اداروں کے علاوہ باقی تمام تعلیمی ادارے نالوں کے اوپر تعمیر کئے گئے ہیں نہ تو ان اداروں کی دیواریں ہیں اور نہ ہی گراؤنڈ موجود ہیں جس کی وجہ سے یہ تعلیمی ادارے کھنڈر اور کچی آبادی کا منظر پیش کرتے ہیں ۔ ماڈل سکولز و کالجز بنانے سے کوئی فرق نہیں آیا ہے وہی تعلیم اور ایک ہی طرح کے اساتذہ ہیں صرف نام کی تبدیلی کی گئی ہے ۔متعلقہ عنوان :
مزید قومی خبریں
-
سرگودھا کے قصبہ بھلوال شہر سے 25 سالہ دوشیزہ کو اغواء کر کے گلے میں دوپٹہ ڈال کر قتل کر دیا گیا
-
چیچہ وطنی کے علاقہ اقبالنگر میں خاوند نے غیرت کے نام پر اپنی بیوی کو قتل کردیا
-
رانا ثنا اللہ ڈیل کا مشورہ نہ دیں، پی ٹی آئی ڈیل نہیں کریگی‘ڈاکٹر یاسمین راشد
-
لاہور ہائیکورٹ نے حماد اظہر کی مقدمات کی تفصیلات فراہمی کی درخواست نمٹا دی
-
جوڈیشل کمپلیکس توڑ پھوڑ کیس میں بانی پی ٹی آئی، پرویز الہی سمیت 172 افراد کے موبائل سے متعلق رپورٹ طلب
-
موسم بہار کی شجر کاری مہم ،سپیکر قومی اسمبلی نے پارلیمنٹ ہاؤس کے سبزہ زار میں میگنولیا گرینڈی فلورا کا پودا لگایا
-
سپیکر قومی اسمبلی سے اراکین کی ملاقات،قائمہ کمیٹیوں کی تشکیل پر تبادلہ خیال
-
وفاقی دارالحکومت اسلام آباد میں نان روٹی کی قیمتوں میں کمی کا نوٹیفکیشن عدالت نے 6 مئی تک معطل کردیا
-
ملیریا پرقابو پانے کےلئے مشترکہ کوششوں کی ضرورت ہے،چیئرمین سینیٹ کا ملیریا کے عالمی دن کے موقع پر پیغام
-
صدرمملکت کے خطاب پر بحث کے حوالے سے ایوان کے اتفاق رائے سے امور طے کیے جائیں گے، سپیکرقومی اسمبلی
-
گرل فرینڈ کا برگر کھانے پر ایس ایس پی کے بیٹے نے جج کے بیٹے کو قتل کر دیا
-
پنجاب پولیس کو 1ارب 20کروڑ روپے کے فنڈز جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.