پیپلزپارٹی کے رہنماء ڈاکٹر عاصم حسین کے خلاف کرپشن اور بدعنوانی کے کیسز کی تفتیش کا دائرہ مزید وسیع ، پی ایم ڈی سی میں میڈیکل کالج کی غیر قانونی طریقے سے رجسٹریشن اور غیر معیاری کالجز کو رجسٹر کرنے کے سکینڈل میں ڈاکٹر عاصم حسین کے قریبی ساتھی ڈاکٹر امجد پومی کو بھی شامل تفتیش کرنے کا فیصلہ ، رینجرز حکام کا نیب اور ایف آئی سے رابطہ
اتوار 30 اگست 2015 18:44
کراچی /اسلام آباد(اُردو پوائنٹ اخبارتازہ ترین - آئی این پی۔30اگست۔2015ء) سابق وفاقی مشیر و پیپلزپارٹی کے رہنماء ڈاکٹر عاصم حسین کے خلاف کرپشن اور بدعنوانی کے کیسز کی تفتیش کا دائرہ مزید وسیع کردیا گیا ہے اور پی ایم ڈی سی میں میڈیکل کالج کی غیر قانونی طریقے سے رجسٹریشن اور غیر معیاری کالجز کو رجسٹر کرنے کے سکینڈل میں ڈاکٹر عاصم حسین کے قریبی ساتھی اور سابق رجسٹرار ڈاکٹر امجد پومی کو بھی شامل تفتیش کرنے کا فیصلہ کیا گیا ہے اور رینجرز حکام نے اس سلسلے میں نیب اور ایف آئی سے رابطہ کرلیا ہے ۔
تفصیلات کے مطابق ڈاکٹر عاصم حسین جہیں 90 روز کیلئے عدالت نے رینجرز کے حوالے کیا ہے اور ان سے تفتیش کیلئے رینجرز نیب اور ایف آئی اے کی مشترکہ تحقیقاتی ٹیم قائم کی گئی نے پی ایم ڈی سی میں اربوں روپے کے گھپلوں کی تحقیقات بھی شروع کردی ہیں اور اس ضمن میں نیب اور ایف آئی اے رینجرز کی بھرپور معاونت کررہے ہیں ۔(جاری ہے)
ڈاکٹر عاصم حسین کے قریبی ساتھی اور سابق رجسٹرار پی ایم ڈی سی ڈاکٹر امجد پومی سے بھی تفتیش کا فیصلہ کیا گیا ہے اور آئندہ چندروز میں اس حوالے سے اہم پیش رفت کا امکان ہے ۔
ڈاکٹر امجد نے رجسٹرار کے طور پر غیر معیاری اور غیر قانونی طور پر قائم بعض میڈیکل کالجز کی رجسٹریشن کی اور اس کے عوض میں کروڑوں روپے کی مبینہ طور پر رشوت بھی لی گئی ۔ ڈاکٹر امجد پومی ان دنوں پمز ہسپتال اسلام آباد میں تعینات ہیں اور انہوں نے پولی کلینک ہسپتال کا ایگزیکٹو ڈائریکٹر تعینات ہونے کی بھی بہت کوششیں کی تھیں تاہم کیڈ کے وزیر مملکت بیرسٹر عثمان ابراہیم نے ان کی تعیناتی کی شدید مخالفت کی تھی۔ ڈاکٹر امجد اور ان کی فیملی نے عام انتخابات کے دوران تحریک انصاف کے چیئرمین عمران خان کی راولپنڈی سے کامیابی میں اہم کردار ادا کیا تھا ۔متعلقہ عنوان :
مزید اہم خبریں
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
-
متحدہ عرب امارات اور دیگر خلیجی ممالک میں طوفانی بارشوں سے ماحولیاتی سائنسدانوں میں نئی بحث چھڑگئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.