تحریک انصاف نے گزشتہ سال ڈی چوک میں پولیس شیلنگ سے جاں بحق کارکنوں کی یاد میں شمعیں روشن کیں، آزادی دھر نے میں ریاستی دہشت گردی کا نشانہ بننے والے کارکنوں کی قربانیاں ضرور رنگ لائیں گی، تحریک انصاف عمران خان کی قیادت میں علامہ اقبال کے خواب کو پایہ تکمیل تک پہنچائے گی،تحریک انصاف کے رہنما اسد عمر اور فوزیہ قصوری کی میڈیا سے گفتگو
اتوار 30 اگست 2015 20:33
اسلام آباد(اُردو پوائنٹ اخبارتازہ ترین - آئی این پی۔30اگست۔2015ء) پاکستان تحریک انصاف نے ڈی چوک میں گزشتہ سا ل دھر نے کے دوران پولیس کی شیلنگ سے جاں بحق ہونے والے کارکنوں کی پہلی برسی کے موقع پر اسلام آباد پریس کلب کے سامنے شمعیں روشن کیں اور انکی مغفرت کیلئے دعا بھی کی گئی ۔تفصیلات کے مطابق اتوار کو پاکستان تحریک انصاف نے یہاں پریس کلب کے سامنے گزشتہ سال ڈی چوک میں دھر نے کے دوران 30اور 31اگست کی درمیانی شب پولیس کی شیلنگ اور لاٹھی چارج سے جاں بحق ہونے والے کارکنوں کی یاد میں شمعیں روشن کیں،اس موقع پر تحر یک انصاف کے ممبر قومی اسمبلی اسد عمر ،پی ٹی آئی رہنما فوزیہ قصوری ،فیصل جاوید خان اور سیکڑوں کارکنوں موجود تھے۔
اس موقع پر ڈی چوک میں جاں بحق ہونے والے کارکنوں کی مغفرت کیلئے خصوصی دعا بھی کی گئی۔(جاری ہے)
اس موقع پر کارکنوں سے خطاب کر تے ہوئے فوزیہ قصوری نے کہا کہ آزادی دھر نے میں ریاستی دہشت گردی کا نشانہ بننے والے کارکنوں کی قربانیاں ضرور رنگ لائیں گی ،ہم انکی قربانیوں کو بھولے نہیں ،حکومت کو ہمارے کارکنوں کے خون کے ایک ایک قطرے کا حساب دینا ہوگا۔
اس موقع پر تحر یک انصاف کے ممبر قومی اسمبلی اسد عمر نے کہا کہ آزادی دھر نے میں آج کے دن ہمارے نہتے کارکنوں پر پاکستان کی تاریخ کی سب سے زیادہ آنسو گیس کی شیلنگ اور تشدد کیا گیا جو پوری رات جاری رہا مگر ہمارے کارکن گھبرائے نہیں اور ڈٹ کر ریاستی دہشت گردی کا مقابلہ کیااور اپنے حقوق اور پاکستان کی بقا کیلئے اپنی جانیں تک دے دیں،ہم ان کارکنوں کو سلام پیش کر نے کیلئے آج یہاں اکٹھے ہوئے ہیں،کارکنوں کی قربانیاں حکمرانوں کو پیغام ہے کہ جب تک ان کے حقوق جن کی بات علامی اقبال نے اپنے اشعار اور قائد اعظم نے کی مل نہیں جاتے ہم اپنی جدوجہد جاری رکھیں گئے۔انہوں نے کہا کہ حکمرانوں کی بیرون ملک جائیدادیں بڑھ رہی ہیں اور عوام دن بدن غریب تر ہوتی جارہی ہے۔انہوں نے کہا کہ تحریک انصاف عمران خان کی قیادت میں علامہ اقبال کے خواب کو پایہ تکمیل تک پہنچائے گی اور پاکستان کو ایسا ملک بنائے گی جس پر پوری قوم فخر اور دنیا رشک کرے گی۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.