پاکستانی معروف اداکار جاوید شیخ کی بیٹی مومل شیخ بھارتی فلموں میں کام کریں گی

منگل 1 ستمبر 2015 19:45

پاکستانی معروف اداکار جاوید شیخ کی بیٹی مومل شیخ بھارتی فلموں میں کام ..

کراچی،ممبئی(اُردو پوائنٹ اخبار تازہ ترین۔ یکم ستمبر۔2015ء) بھارتی ہدایت کار آنند ایل رائے نے پاکستانی معروف اداکار جاوید شیخ کی بیٹی مومل شیخ سے ٹیلی فونک رابطہ کیا ہے اور انہیں اپنی نئی فلم میں کام کرنے کیلئے کاسٹ کرلیا،مومل شیخ نے بھارتی فلم میں کام کرنے پر رضا مندی ظاہر کردی۔

(جاری ہے)

میڈیا رپورٹ کے مطابق ٹی وی اداکارائیں حمائمہ ، ماہرہ خان و دیگر کے بعد بھارتی و پاکستانی فلموں میں مصروف اداکار جاوید شیخ کی بیٹی ٹی وی اداکارہ و ماڈل مومل شیخ بھی بھارتی فلم میں کام کریں گی، بھارتی ہدایتکار آنند ایل رائے نے نئی فلم کے لئے مومل شیخ کو کاسٹ کرنے کے لئے جاوید شیخ سے رابطہ کیاہے اور انہیں بھارتی فلموں میں کام کرنے کی آفردی جو انہوں نے قبول کرلیا،رپورٹ کے مطابق فلم میں بھارتی اداکار ابھے دیول اور ڈیانا پینتی مومل کے ساتھ مرکزی کرداروں میں کام کریں گے۔

پاکستانی اداکار جاوید بھی اپنی بیٹی مومل شیخ کے ہمراہ ممبئی جائیں گے۔

متعلقہ عنوان :